গুৱাহাটী, ২২ মার্চ: নর্থ ইষ্ট ম'টৰ্ছে আজি গুৱাহাটীত মুকলি কৰে বিলাসী বাহন বায়ুজিত । গুৱাহাটীত আয়োজিত এক আড়ম্বৰপূৰ্ণ অনুষ্ঠানত নৰ্থ ইষ্ট ম'টৰ্ছৰ পৰিচালন সঞ্চালক সঞ্জয় গোস্বামীয়ে অত্য়াধুনিক ডিজাইন তথা সুবিধাৰে পৰিপূৰ্ণ বায়ুজিত মুকলি কৰে । অত্যাধুনিক প্রযুক্তি কৌশলৰ সমাহাৰ ঘটিছে এই বাহনখনত । দৃষ্টিনন্দন ফার্নিছিং, আধুনিক সকলো সুবিধা সম্বলিত বিলাসী হোটেলৰ দৰে আছে কোঠা । এই সন্দৰ্ভত নৰ্থ ইষ্ট ম'টৰ্ছৰ পৰিচালন সঞ্চালক সঞ্জয় গোস্বামীয়ে এক সংবাদমেলো সম্বোধন কৰে ।
বাহনখনৰ বিশেষত্ব সন্দর্ভত সংবাদমেলখনত পৰিচালন সঞ্চালক সঞ্জয় গোস্বামীয়ে কয় যে ষ্টাৰ,চেলিব্রিটী,ৰাজনীতিকৰ জগতখন কেৱল গ্লেমাৰেৰে ভৰি থকা নাই, লগত আছে তেওলোকৰ নিৰাপত্তা আৰু গোপনীয়তা । লক্ষজনৰ হৃদয়ত হাঁহি বিৰিঙাই দিবলৈ সক্ষম হোৱা এইসকল লোকৰ ব্যৱহাৰৰ বাবে তথা ভ্রমণ সুচল হোৱাৰ লক্ষ্যৰে নৰ্থ ইষ্ট ম'টৰ্ছে মুকলি কৰে ভেনিটি ভান বায়ুজিত। বাহনখনত লাউঞ্জ আৰু বেডৰুমৰ পৰা পাকঘৰ, বাথৰূম, অগ্নি নির্বাপন সুবিধা, উচ্চমানৰ মিনিয়েচাৰ চাৰকুইত ব্ৰেকাৰ, জৰুৰী প্ৰস্থান দ্বাৰ, চিচিটিভি কেমেৰা, ৩৬০° কেমেৰা আদি সকলো আছে ।