গুৱাহাটী, ৮ অক্টোবৰ:আজি মহাষষ্ঠী । বিল্ববোধনৰে বেদীত স্থাপিত হৈছে দশভূজাৰ প্ৰতিমা । ইয়াৰ লগে লগে আৰম্ভ হ'ল দেৱী বন্দনা । আকাশে-বতাহে শংখ,বৰকাহৰ শব্দ । সকলোৱে দেৱীক আদৰাৰ লগতে আটকধুনীয়া মণ্ডপবোৰত পৰিছে শেষ পৰশ ।
দুৰ্গা পূজা আয়োজনৰ বাবে গুৱাহাটী মহানগৰীৰ বিভিন্ন অঞ্চলত নিৰ্মিত আটকধুনীয়া মণ্ডপবোৰত শিল্পীসকলে দিছে শেষ পৰশ । পাণ্ডু আৰু মালিগাঁৱত নতুন নতুন ব্যতিক্ৰমী বিষয়ৰে নিৰ্মিত পূজা মণ্ডপক লৈ চলি আহিছে এক অঘোষিত প্ৰতিযোগিতা । এইবাৰো হোৱা নাই ইয়াৰ ব্যতিক্ৰম ।
গুৱাহাটী মহানগৰীত আটকধুনীয়া মণ্ডপ (ETV Bharat Assam)
বিগত সময়ত ৫০ খনৰো অধিক দুৰ্গা পূজা অনুষ্ঠিত হোৱা পাণ্ডু আৰু মালিগাঁও, আদাবাৰী অঞ্চলত ব্যতিক্ৰমী দুৰ্গা পূজা মণ্ডপ তৈয়াৰ কৰি সকলোৰে দৃষ্টি আকৰ্ষণ কৰি আহিছে । আদাবাৰী তিনিআলিৰ এখন পূজা মণ্ডপে অসমীয়া সংস্কৃতিৰ বৰ্ণাঢ্য ৰূপ প্ৰতিফলিত কৰাৰ প্ৰয়াস কৰিছে ।
সম্প্ৰীতিৰ নিদৰ্শন