শান্তিৰ প্ৰতীক পাৰ চৰাই এটাও হ’ব পাৰে কাৰোবাৰ মৃত্যুৰ কাৰণ !

ককায়েকক কৈছিল 'চোৰ' ৷ তাৰ যে কি পৰিণাম হ’ব পাৰে সেয়া আছিল সৰু ভায়েকৰ কল্পনাৰো অগোচৰ

গোলাঘাট:ৰাজ্য়ৰ বিভিন্ন ঠাইত সুৰাৰ বাবেই নিতৌ সংঘটিত হৈছে অপৰাধজনিত ঘটনাৰ লগতে নৃশংস হত্য়াকাণ্ড । ইতিমধ্য়ে সংঘটিত কেইবাটাও এনে ঘটনাই জোকাৰি গৈছে ৰাজ্য় । এইবাৰ তেনে এক ঘটনাই সংঘটিত হ'ল গোলাঘাট জিলাত । এটা সামান্য় কথাতেই জ্য়েষ্ঠ ভাতৃৰ প্ৰহাৰত প্ৰাণ হেৰুৱালে এজন যুৱকে ।

'পাৰ চৰাই চোৰ' বুলি কোৱা বাবেই এজন সুৰামত্ত লোকে প্ৰাণ ল'লে কনিষ্ঠ ভাতৃৰ । গোলাঘাট জিলাৰ নুমলীগড়ৰ পাৰ্শ্বৱৰ্তী মৰঙিৰ ৫ নং পোৰাজংঘলত সংঘটিত হৈছে এই নৃশংস হত্যাকাণ্ডটো । এটা পাৰ চৰাইক লৈ সুৰামত্ত ককায়েকে মৰিয়াই মৰিয়াই হত্যা কৰিলে ভাতৃক । মৰঙিৰ ৫ নং পোৰাজংঘলত সংঘটিত হয় নৃশংস হত্যাকাণ্ডটো । পাৰ চৰাই চোৰ বুলি কোৱা বাবেই দেওবাৰে নিশা সুৰামত্ত ককায়েক লাটুমণি বৰাই ভাতৃ যদু বৰাক মৰিয়াই মৰিয়াই হত্যা কৰে ।

উক্ত ঘটনাৰ খবৰ লাভ কৰি ঘটনাস্থলীত বগীজান আৰক্ষীৰ এটা দল উপস্থিত হৈ যদু বৰাৰ মৃতদেহ মৰণোত্তৰ পৰীক্ষাৰ বাবে গোলাঘাটৰ শ্বহীদ কুশল কোঁৱৰ অসামৰিক চিকিৎসালয়লৈ প্ৰেৰণ কৰে । ইয়াৰ পিচতেই আৰক্ষীয়ে আটক কৰে হত্যাত অভিযুক্ত ককায়েক লাটুমণি বৰাক । এই সমগ্ৰ ঘটনাৰ তদন্ত আৰম্ভ কৰিছে আৰক্ষীয়ে ।

এই সম্পৰ্কে মৃত্যু হোৱা যদু বৰাৰ মাতৃয়ে কয়," দুয়োজন ককায়েক-ভায়েকে প্ৰথমে তৰ্কযুদ্ধত লিপ্ত হয় । সেই সময়ত মই দুয়োজনক মনে মনে থাকিবলৈ কই শুই থাকিবলৈ কৈছো । তাৰ পাছতে যদু বৰাই দুৱাৰ বন্ধ নকৰাকৈ শুবলৈ যায় আৰু সেই সময়ত ককায়েক লাটুমণি বৰাই প্ৰহাৰ কৰাত তেজেৰে লুতুৰি পুতুৰি হৈ পৰে । তাৰ পাছতে মই গৈ দুৱাৰ বন্ধ কৰি দিও যদিও আঘাতপ্ৰাপ্ত যদুই দুৱাৰ খুলি ওলাই যোৱাত দুয়োৰে বগৰা-বগৰি লাগি যায় । মই উপায়ন্তৰ হৈ ওচৰত থকা গাঁওবুঢ়াক মাত লগাও । এটা সাধাৰণ পাৰ চৰাইৰ বাবে দুই ককাই ভায়েকৰ মাজত এই ঘটনা। তেনে সাধাৰণ ঘটনা । ককায়েকক পাৰ চৰাই চুৰি কৰি খায় বুলি কৈছিল ।"

আনহাতে, এই ঘটনা সম্পৰ্কে স্থানীয় গাওঁৰক্ষী বাহিনীৰ এজন সদস্যই কয়," এটা পাৰ চৰাইৰ বাবে ঘটনাটো সংঘটিত হৈছে বুলি জানিব পাৰিছো । ককায়েকক পাৰ চৰাই চোৰ বুলি কৈছিল ভায়েক যদু বৰাই । তাৰ পাছতে দুয়োজনৰ মাজত সংঘাত সৃষ্টি হ'ল । লাটুমণি বৰাই হত্যা কৰিলে যদু বৰাক ।"

লগতে পঢ়ক:ঘপিয়াই ঘপিয়াই স্বামীক হত্যা কৰি পত্নীৰ আত্মসমৰ্পন - SENSATIONAL MURDER IN DIBRUGARH