গুৱাহাটী, ৬ অক্টোবৰ : বিগত কেইবাদিন ধৰি ৰাজ্য়ত অব্য়াহত আছে পূজাৰ বোনাচকেন্দ্ৰিক প্ৰতিবাদ । ৰাজ্য়ৰ বহুকেইখন বাগিচাত বাগান কৰ্তৃপক্ষ আৰু শ্ৰমিকৰ মাজত তীব্ৰ সংঘাত অব্য়াহত থকাৰ মাজতেই অসম চাহ নিগম লিমিটেডৰ কৰ্মচাৰী আৰু শ্ৰমিকৰ বাবে আগবঢ়োৱা হৈছে ২০ শতাংশ পূজা বোনাচ ।
- ১০ লাখৰো অধিক শ্ৰমিক-কৰ্মচাৰী উপকৃত হ'ব
ৰাজ্যৰ লাখ লাখ চাহ শ্ৰমিকৰ বাবে সুখবৰ । চাহ শ্ৰমিকসকলে লাভ কৰিব শাৰদীয় দুৰ্গা পূজাৰ বোনাচ । দেওবাৰে সামাজিক মাধ্যম যোগে এই কথা ঘোষণা কৰিছে মুখ্যমন্ত্রী ড৹ হিমন্ত বিশ্ব শৰ্মাই । সামাজিক মাধ্যম যোগে মুখ্যমন্ত্রীগৰাকীয়ে কয়, "আমাৰ চাহ বাগিচাৰ শ্ৰমিক-কৰ্মচাৰীসকলৰ বাবে পূজাৰ বোনাচ হিচাপে ২০ শতাংশ দিবলৈ আগবাঢ়িছোঁ । এই বোনাচৰ দ্বাৰা ৰাজ্যৰ ৮০০খনতকৈও ওপৰৰ বাগিচাৰ ১০ লাখৰো অধিক শ্ৰমিক-কৰ্মচাৰী উপকৃত হ'ব । আমি ভাবো ৰাজ্য চৰকাৰৰ এই সঁহাৰি চাহ বাগিচাৰ শ্ৰমিক-কৰ্মচাৰীসকলে নিশ্চিতকৈ আদৰি ল'ব । শাৰদীয় দুৰ্গোৎসৱ সুন্দৰকৈ অতিবাহিত হওক, সেয়াই কামনা কৰিলোঁ ।"
- বোনাচৰ সৰ্বমুঠ পৰিমাণ ৭৮ কোটি টকা