ছান ফ্ৰাঞ্চিস্কো : ছয়দিনীয়া ভ্ৰমণসূচীৰে আমেৰিকাত আছে কেন্দ্ৰীয় বৈদেশিক মন্ত্ৰী এছ জয়শংকৰ । বৈদেশিক পৰিক্ৰমা মন্ত্ৰী এছ জয়শংকৰে হোৱাইট হাউছত বুধবাৰে আমেৰিকাৰ ৰাষ্ট্ৰীয় নিৰাপত্তা উপদেষ্টা জেক ছুলিভানক সাক্ষাৎ কৰে । এই সাক্ষাৎকালত দুয়োগৰাকী নেতাই ভাৰত-আমেৰিকা যুক্তৰাষ্ট্ৰৰ কৌশলগত অংশীদাৰিত্বৰ অগ্ৰগতি সন্দৰ্ভত এক বিতং আলোচনা কৰে ।
এছ জয়শংকৰে এক চৰকাৰী ভ্ৰমণসূচী লৈ বৰ্তমান আমেৰিকা যুক্তৰাষ্ট্ৰত আছে । তেওঁৰ ভ্ৰমণকালত জয়শংকৰে আমেৰিকা যুক্তৰাষ্ট্ৰৰ বৈদেশিক পৰিক্ৰমা মন্ত্ৰী এণ্টনি ব্লিংকেন আৰু বিদায়ী জো বাইডেন প্ৰশাসনৰ আন জ্যেষ্ঠ সদস্যসকলক সাক্ষাৎ কৰাৰ কথা আছে । ভাৰত-আমেৰিকা যুক্তৰাষ্ট্ৰৰ কৌশলগত অংশীদাৰিত্বৰ অগ্ৰগতি সন্দৰ্ভত এক বিতং আলোচনা হৈছে । লগতে বৰ্তমানৰ আঞ্চলিক আৰু গোলকীয় উন্নয়নৰ ওপৰতো মত বিনিময় কৰা বুলি জয়শংকৰে এক X পোষ্টত কয় ।
Good to meet US NSA @JakeSullivan46 in Washington D.C. this morning.
— Dr. S. Jaishankar (@DrSJaishankar) December 26, 2024
A wide ranging discussion on the progress of 🇮🇳 🇺🇸 strategic partnership. Also exchanged views on current regional and global developments. pic.twitter.com/RtvTNAlHq7
"আজি পুৱা (বুধবাৰে) ৱাশ্বিংটন ডি চিত আমেৰিকা যুক্তৰাষ্ট্ৰৰ এন এছ এ জেক ছুলাভানক লগ পাই ভাল লাগিছে । ভাৰত-আমেৰিকা যুক্তৰাষ্ট্ৰৰ কৌশলগত অংশীদাৰিত্বৰ অগ্ৰগতি সন্দৰ্ভত এক বিস্তৃত আলোচনা হৈছে ।" জয়শংকৰে বৃহস্পতিবাৰে X-ৰ এটা পোষ্টত কয় । "বৰ্তমানৰ আঞ্চলিক আৰু গোলকীয় উন্নয়নৰ ওপৰত মত বিনিময় কৰা হৈছে ।" জয়শংকৰে লগতে কয় ।
উল্লেখ্য যে, বৈদেশিক পৰিক্ৰমা মন্ত্ৰী জয়শংকৰে আগন্তুক ড'নাল্ড ট্ৰাম্প প্ৰশাসনৰ জ্যেষ্ঠ নেতৃত্বৰ সৈতেও এক পৰিচয়মূলক বৈঠকত বহাৰ সম্ভাৱনা আছে । ২৪ ডিচেম্বৰৰ পৰা ২৯ ডিচেম্বৰলৈ বৰ্তমানৰ আমেৰিকা ভ্ৰমণকালত শীৰ্ষ ভাৰতীয় কূটনীতিবিদগৰাকীয়ে আমেৰিকা যুক্তৰাষ্ট্ৰত থকা ভাৰতৰ কনছুল জেনেৰেলসকলৰ এখন সন্মিলনতো সভাপতিত্ব কৰিব ।
উল্লেখ্য যে, কেন্দ্ৰীয় বৈদেশিক মন্ত্ৰী এছ জয়শংকৰে ২৪ ডিচেম্বৰৰ পৰা ২৯ ডিচেম্বৰলৈকে আমেৰিকা ভ্ৰমণত আছে ।
