গুৱাহাটী, ৭ ফেব্ৰুৱাৰী: অসমত মুঠ ৩০০৩ খন সুৰাৰ দোকান আছে । অসম বিধানসভাত বুধবাৰে বিধায়ক ৰেকিবুদ্দিন আহমেদে মদৰ দোকান আৰু অনুজ্ঞাপত্ৰ সন্দৰ্ভত সোধা তৰাবিহীন প্ৰশ্নৰ উত্তৰত আৱকাৰী বিভাগৰ মন্ত্ৰী পৰিমল শুক্লবৈদ্যই এই তথ্য সদৰী কৰে । বিধানসভাত আৱকাৰী বিভাগৰ মন্ত্ৰী পৰিমল শুক্লবৈদ্যই প্ৰকাশ কৰা তথ্য অনুযায়ী অসমত বর্তমান বিদেশী সুৰাৰ দোকান (IMFL OFF) ১৭০৭ খন, বাৰ (IMFL 'ON') ৯২৩ খন আৰু দেশীয় সুৰাৰ দোকান (Country spirit)ৰ ৩৭৩ খন । মুঠ ৩০০৩ খন সুৰাৰ দোকান আছে ।
তথ্য মতে অসমৰ ভিতৰত কামৰূপ মহানগৰত সৰ্বাধিক বিদেশী সুৰাৰ দোকান (IMFL OFF) আৰু বাৰ (IMFL'ON) আছে । দ্বিতীয় আৰু তৃতীয় স্থানত আছে ক্ৰমে ডিব্ৰুগড় আৰু তিনিচুকীয়া জিলা । কামৰূপ মহানগৰত মুঠ ৩২০ খন বিদেশী সুৰাৰ দোকান (IMFL OFF) আৰু ২০৪ খন বাৰ (IMFL'ON) আছে ৷
ডিব্ৰুগড় মুঠ ১১১ খন বিদেশী সুৰাৰ দোকান (IMFL OFF) আৰু ৫৪ খন বাৰ (IMFL'ON) আছে । তিনিচুকীয়া জিলাত মুঠ ১০৩ খন বিদেশী সুৰাৰ দোকান (IMFL OFF) আৰু ৩২ খন বাৰ (IMFL'ON) আছে ।