তেজপুৰ,২ অক্টোবৰ:আজি গান্ধী জয়ন্তী । জাতিৰ পিতা মহামানৱ মহাত্মা গান্ধীৰ জন্মদিন । সমগ্ৰ দেশতে আজিৰ দিনটো জাতিৰ পিতাৰ নামত অৰ্পণ কৰা হয় । লগতে স্বচ্ছতাৰ পৰিৱেশ সৃষ্টি কৰিবৰ বাবেও আহ্বান জনোৱা হয় । আজিৰ দিনটোতে এজন সাধাৰণ লোকে অসাধাৰণ ৰূপ ধাৰণ কৰি সমাজলৈ বিশেষ বাৰ্তা প্ৰেৰণ কৰিবলৈ চেষ্টা কৰিছে ।
তেজপুৰ চহৰৰ ৰাজপথত আজিৰ এই বিশেষ দিনটোত দেখা গ'ল এজন সাধাৰণ লোকক, নাম পৰিতোষ মণ্ডল । তেওঁ মহাত্মা গান্ধীৰ দৰে সাজ পৰিধান কৰি ঘূৰি ফুৰিছে । কাৰণ তেওঁ আজি ৰাইজক অৱগত কৰিব বিচাৰিছে যে গান্ধীৰ অহিংস নীতিৰ মাজেৰে সত্যতা প্ৰতিপন্ন কৰিবলৈ সময় আহি পৰিছে ।
তেজপুৰত অহিংস নীতিৰ বাণী বিলালে মহাত্মা গান্ধীয়ে (ETV Bharat Assam)
তেওঁ কয়- "মহাত্মা গান্ধীয়ে দি থৈ যোৱা অহিংস নীতিৰ মাজেৰেহে সমাজ ব্যৱস্থা পৰিচালিত হ'ব । সমগ্ৰ বিশ্বতে যি যুদ্ধৰ পৰিৱেশ সৃষ্টি হৈছে সেয়া অহিংস নীতিৰ মাজেৰে সমাধান হোৱাটো উচিত । যুদ্ধই শান্তি আনিব নোৱাৰে ।"