বঙাইগাঁও, 26 মে’ : বঙাইগাওঁ জিলাৰ মাণিকপুৰ আৰক্ষী থানাৰ অন্তৰ্গত নোৱাগাৱঁৰ ডেম্পত সংঘটিত হৈছে মাৰপিটৰ ঘটনা ৷ পুৰণা লোহা-টিনৰ ডেম্পৰ দোকানখনত নিশা শ্ৰমিকক প্ৰহাৰ কৰাৰ অভিযোগ উত্থাপন হৈছে ৷ অভিযোগ অনুসৰি 6 জন শ্ৰমিকক উপৰ্যুপৰি প্ৰহাৰ কৰে ডেম্পৰ মালিক পক্ষই ৷
মাণিকপুৰৰ নোৱাগাৱঁৰ ডেম্পত সংঘটিত হৈছে মাৰপিটৰ ঘটনা (ETV BHARAT ASSAM)
জানিব পৰা মতে 6 জন শ্ৰমিকে উৎকট গৰমৰ মাজতো গোটেই দিনটো নোখোৱাকৈ এখন ট্ৰাকত মাল ভৰ্তি কৰি আছিল ৷ সন্ধিয়াৰ পিচতেই শ্ৰমিক কেইজনে কাম সামৰিব বুলি কোৱাত ডেম্পৰ দুজনকৈ মালিক জাহিদুল ইছলাম আৰু নুৰুল আমিন আৰু তেওঁলোকৰ সম্পৰ্কীয় কেবাজনো লোকে মিলি শ্ৰমিক কেইজনক উপৰ্যুপৰি প্ৰহাৰ কৰাৰ অভিযোগ উত্থাপন হৈছে ৷ অভিযোগ অনুসৰি ডেম্পৰ মালিক জাহিদুল ইছলাম আৰু নুৰুল আমিনে ডেম্পত থকা লোৰ ৰডেৰে প্ৰহাৰ কৰাত ৰুহুল আমিন নামৰ শ্ৰমিকজনৰ মূৰ ফাটি যায় আৰু বাকী কেইজন গুৰুতৰভাৱে আঘাতপ্ৰাপ্ত হয় ৷