বৰপেটাত একেনিশাই ১২ সুদখোৰক আটক
বৰপেটা,২২ ফেব্ৰুৱাৰী: সুদখোৰৰ বিৰুদ্ধে কঠোৰ মুখ্যমন্ত্ৰী ড৹ হিমন্ত বিশ্ব শৰ্মা ৷ মুখ্যমন্ত্ৰীৰ নিৰ্দেশমৰ্মে বৰপেটাতো সুদখোৰৰ বিৰুদ্ধে আৰক্ষীয়ে আৰম্ভ কৰিছে অভিযান ৷ মঙলবাৰে নিশা বৰপেটা, সৰভোগ, হাউলী আৰু বৰপেটাৰোড আৰক্ষীৰ অভিযানত আটক ১২ টাকৈ সুদখোৰ ৷ আৰক্ষী সূত্ৰই জনোৱা মতে, সৰভোগ আৰক্ষীয়ে আটক কৰে দুটা সুদখোৰক ৷ ধৃত সুদখোৰ দুটা নাচিবুৰ ৰহমান আৰু বচিৰ আলী ৷
একেদৰে বৰপেটাৰোড আৰক্ষীয়ে মঙলবাৰে নিশা অভিযান চলাই উত্তম সাহা আৰু নচেৰ দেৱান নামৰ আন দুই সুদখোৰক আটক কৰে ৷ ইপিনে হাউলী আৰক্ষীয়েও সুদখোৰৰ বিৰুদ্ধে অভিযান চলাই ছফিকুল ইছলাম, চাদেক আলী আৰু আব্দুল খালেক নামৰ তিনি সুদখোৰক আটক কৰে ৷ একেদৰে বৰপেটা সদৰ থানাৰ আৰক্ষীয়ে অভিযান চলাই বিতুলাল পাঠক, কিৰণ পাঠক, যতীন্দ্ৰ নাথ তালুকদাৰ, ছহিদুল ইছলাম আৰু ছাহজাহান আলী নামৰ পাঁচ সুদখোৰক আটক কৰে ৷