স্প’ৰ্টছ ডেস্ক, ১৩ আগষ্ট:ভাৰতীয় মল্লযুঁজাৰু বিনেশ ফোগাটে ৰূপৰ পদক লাভ কৰিব নে নকৰে, সেয়া ১৩ আগষ্ট অৰ্থাৎ আজি নিশ্চিত হ'ব । চি এ এছে এই সন্দৰ্ভত সিদ্ধান্ত ঘোষণা কৰিব । ভাৰতীয় অলিম্পিকৰ দলটোৰ বাকী খেলুৱৈসকল ইতিমধ্যে স্বদেশত উপস্থিত হৈছে যদিও বিনেশ ফোগাট পেৰিছতে আছে ।
পদক অবিহনে অলিম্পিক ভিলেজ ত্যাগ বিনেশ ফোগাটৰ (IANS Photo) বিনেশৰ আবেদনৰ শুনানি:
উল্লেখ্য যে ভাৰতৰ মহিলা মল্লযুঁজাৰু বিনেশ ফোগাটক পেৰিছ অলিম্পিক ২০২৪ৰ ফাইনেল খেলৰ পূৰ্বে অযোগ্য ঘোষণা কৰা হৈছিল । বিনেশে আই অ' এৰ এই সিদ্ধান্তৰ বিৰুদ্ধে চিএএছৰ কাষ চাপিছিল আৰু ৰূপৰ পদক দাবী কৰিছিল । তেওঁৰ আবেদনৰ শুনানি হয় আৰু চি এ এছে সিদ্ধান্তটো ১৩ আগষ্টত ঘোষণা কৰিব বুলি উল্লেখ কৰে ।
ভাৰতৰ মহিলা মল্লযুঁজাৰুগৰাকী এতিয়াও ভাৰতলৈ উভতি অহা নাই । ভাৰতে প্ৰেৰণ কৰা ১১৭ জনীয়া দলৰ বাকী খেলুৱৈসকল উভতি আহিছে যদিও পদকৰ আশাত এতিয়াও বিনেশ পেৰিছতে আছে । অৱশ্যে মঙলবাৰে বিনেশ ফোগাটে পদক অবিহনে গেমছ ভিলেজ ত্যাগ কৰে ।
পদক অবিহনে অলিম্পিক ভিলেজ ত্যাগ বিনেশ ফোগাটৰ (IANS Photo) নিৰাশ হৈ অলিম্পিক ভিলেজ ত্যাগ ফোগাটৰ:
ইতিমধ্যে অলিম্পিকৰ সামৰণি অনুষ্ঠানো হৈ গৈছে । য'ত ভাৰতীয় ব্ৰঞ্জ পদক বিজয়ী মনু ভাকৰ আৰু হকী খেলুৱৈ পি আৰ শ্ৰীজেশ ভাৰতৰ ধ্বজাবাহক আছিল । সামৰণি অনুষ্ঠানৰ লগে লগে অলিম্পিক ভিলেজো আঁতৰাই দিয়া হয় । যাৰ বাবে ন্যায়ৰ অপেক্ষাত থকা ভাৰতীয় মহিলা মল্লযুঁজাৰু বিনেশ ফোগাটে পদক অবিহনেই নিৰাশ মনেৰে অলিম্পিক ভিলেজ ত্যাগ কৰে । পদক অবিহনে অলিম্পিক ভিলেজ ত্যাগ কৰাৰ বেদনা বিনেশৰ মুখত স্পষ্টকৈ দেখা গৈছে ।
কিট বেগটো লৈ অহা বিনেশে নিশ্চয় পদকৰ শূন্যতা অনুভৱ কৰিছে । বিনেশে পৰাস্ত কৰা মল্লযুঁজাৰুৱে ৰূপৰ পদক লৈ ঘৰলৈ উভতি গৈছে । কিন্তু তিনিখন মেচত প্ৰতিদ্বন্দ্বীক পৰাস্ত কৰিও বিনেশ পদকৰ হাতত এতিয়াও নাই পদক ।
লগতে পঢ়ক :ওজন বৃদ্ধিৰ সন্দৰ্ভত অৱশেষত মুখ খুলিলে বিনেশ ফোগাটে: কি জনালে আদালতক - PARIS OLYMPICS 2024
