স্পৰ্টছ ডেস্ক, 24 জুন : ছেইণ্ট লুছিয়াৰ ডেৰেন ছেমি ৰাষ্ট্ৰীয় ক্ৰিকেট ষ্টেডিয়ামত ভাৰত আৰু অষ্ট্ৰেলিয়াৰ মাজত অনুষ্ঠিত হৈছে চুপাৰ-8ৰ মেচ ৷ মেচখনত প্ৰথমে বেটিং কৰি অধিনায়ক ৰোহিত শৰ্মাৰ দুৰ্দান্ত প্ৰদৰ্শনৰ সহায়ত ভাৰতে অষ্ট্ৰেলিয়াক জয়ৰ বাবে 206 ৰাণৰ বিশাল লক্ষ্য বান্ধি দিছে ৷ মাত্ৰ আঠ ৰাণৰ বাবে শতক বঞ্চিত হোৱা ৰোহিত শৰ্মাই 92 ৰাণৰ এক অধিনায়কোচিত ইনিংছ খেলে ৷
টছত জিকি প্ৰথমে বলিঙৰ সিদ্ধান্ত লয় অষ্ট্ৰেলিয়াৰ অধিনায়ক মিছেল মাৰ্শ্বে ৷ প্ৰথমে বেটিং কৰি ভাৰতীয় দলে নিৰ্ধাৰিত 20 অভাৰত 5 টা উইকেট হেৰুৱাই 205 ৰাণ সংগ্ৰহ কৰে ৷ দলীয় স্ক’ৰ ছয়তে ভাৰতে বিৰাট কোহলীৰ উইকেট হেৰুৱাই বিপদত পৰিছিল যদিও অধিনায়ক ৰোহিত শৰ্মাই বিস্ফোৰক বেটিঙেৰে দলক শক্তিশালী স্থিতিত উপনীত কৰে ৷ হিটমেনে মাত্ৰ 41 টা বলতে 92 ৰাণৰ এক দৰ্শনীয় ইনিংছ খেলে ৷ অধিনায়কগৰাকীয়ে 8 টা ছয় আৰু 7 টা চাৰিৰে এই ইনিংছ সজায় ৷ তাৰকা বেটছমেন বিৰাট কোহলীয়ে অনুৰাগীকক হতাশ কৰি 5 টা বলত কোনো ৰাণ নকৰাকৈয়ে পেভিলিয়নমুখী হয় ৷
লগতে পঢ়ক :অষ্ট্ৰেলিয়াৰে মোকাবিলা : ছেইণ্ট লুচিয়াত উপস্থিত ভাৰতীয় দল - T20 World Cup 2024