স্পৰ্টছ ডেস্ক, 1 আগষ্ট : পেৰিছ অলিম্পিকত তৃতীয়টো পদক অৰ্জন কৰিছে ভাৰতে ৷ ভাৰতীয় শ্বুটাৰ স্বপ্নীল কুছালে উজ্জ্বল প্ৰদৰ্শন কৰি 50 মিটাৰ এয়াৰ ৰাইফল ইভেণ্টত তৃতীয় স্থান দখল কৰি ব্ৰঞ্জৰ পদক লাভ কৰে ৷ ইয়াৰ লগে লগে ভাৰতে প্ৰথমবাৰৰ বাবে অলিম্পিকত 3 টা পদক লাভ কৰিবলৈ সক্ষম হৈছে ৷ তেওঁৰ এই প্ৰদৰ্শনৰ অন্তত প্ৰধানমন্ত্ৰী নৰেন্দ্ৰ মোদীকে ধৰি দেশৰ সকলো ৰাইজে তেওঁক অভিনন্দন জ্ঞাপন কৰিছে ৷
ৰাষ্ট্ৰপতিৰ প্ৰতিক্ৰিয়া :
ইয়াৰ উপৰিও ৰাষ্ট্ৰপতি দ্ৰৌপদী মুৰ্মুৱেও তেওঁলৈ অভিনন্দন জ্ঞাপন কৰিছে ৷ ৰাষ্ট্ৰপতিয়ে লিখিছে, "পেৰিছ অলিম্পিকত ব্ৰঞ্জৰ পদক লাভ কৰাৰ বাবে স্বপ্নীল কুছালেলৈ আন্তৰিক অভিনন্দন ৷ পুৰুষৰ 50 মিটাৰ ৰাইফল 3 পজিচন শাখাত পদক লাভ কৰা প্ৰথমজন ভাৰতীয় হিচাপে পৰিগণিত হৈছে ৷ একেখন অলিম্পিক গেমছতে শ্বুটিং ইভেণ্টত তিনিটাকৈ পদক লাভ কৰিবলৈ সক্ষম হৈছে ভাৰতে ৷ সমগ্ৰ শ্বুটিং ক্ৰুৱে ভাৰতক গৌৰৱান্বিত কৰিছে ৷ আগন্তুক প্ৰতিযোগিতাসমূহৰ বাবে আমাৰ সকলো খেলুৱৈলৈ মোৰ শুভেচ্ছা জ্ঞাপন কৰিছো ৷ ভৱিষ্যতে স্বপ্নীল কুছালে আৰু অধিক পদক লাভ কৰক তাৰ কামনা কৰিলো ৷"
প্ৰধানমন্ত্ৰী মোদীৰ অভিনন্দন :
তেওঁক অভিনন্দন জনাই ভাৰতৰ প্ৰধানমন্ত্ৰী নৰেন্দ্ৰ মোদীয়ে লিখিছে, "স্বপ্নীল কুছালেৰ ব্যতিক্ৰমী প্ৰদৰ্শন, পেৰিছ অলিম্পিকত পুৰুষৰ 50 মিটাৰ ৰাইফল 3 স্থানত ব্ৰঞ্জৰ পদক লাভ কৰাৰ বাবে তেওঁক অভিনন্দন ৷ তেওঁৰ প্ৰদৰ্শন বিশেষ কাৰণ তেওঁ উৎকৃষ্ট নমনীয়তা আৰু দক্ষতা প্ৰদৰ্শন কৰিছে ৷ এই শাখাত পদক লাভ কৰা প্ৰথমগৰাকী ভাৰতীয় খেলুৱৈও ৷ প্ৰতিজন ভাৰতীয় আনন্দিত ৷"