ব্যৰ্থতাৰ অৱসান ঘটাই মুলতানত ইংলেণ্ডৰ বিৰুদ্ধে 152 ৰাণত জয়ী পাকিস্তান - PAK VS ENG 2ND TEST

Multan test: ক্ৰমাগতভাৱে 11 খন মেচত পৰাজয়ৰ পিছত প্ৰথমটো জয় পাকিস্তানৰ ৷ মূলতানত অনুষ্ঠিত দ্বিতীয়খন টেষ্টত ইংলেণ্ডৰ বিৰুদ্ধে জয় লাভ দলটোৰ ৷

ইংলেণ্ড-পাকিস্তানৰ মাজৰ দ্বিতীয়খন টেষ্ট (AP Photo)

Published : Oct 18, 2024, 7:14 PM IST

স্প’ৰ্টছ ডেস্ক, 18 অক্টোবৰ:ঘৰুৱা ক্ৰিকেটত পৰাজয়ৰ ধাৰাৰ অন্ত পাকিস্তানৰ ৷ ক্ৰমাগত 11 খন মেচত পৰাজয়বৰণ কৰাৰ পিছত পাকিস্তানে ইংলেণ্ডৰ বিৰুদ্ধে দ্বিতীয়খন টেষ্টত জয়ৰ মুখ দেখিবলৈ সক্ষম হয় ৷

সমান্তৰালকৈ শৃংখলাটোত 1-1 ত সমতা স্থাপন কৰে দলটোৱে ৷ মূলতানত অনুষ্ঠিত দ্বিতীয়খন টেষ্টত পাকিস্তানে ইংলেণ্ডক 152 ৰাণত পৰাস্ত কৰে ।

1338 দিনৰ পিছত ঘৰুৱা টেষ্টত জয় লাভ পাকিস্তানৰ

মূলতানত ইংলেণ্ডৰ বিৰুদ্ধে প্ৰথম টেষ্টত পৰাজয়বৰণ কৰাৰ পিছত পাকিস্তানে দলটোৰ কিছু সালসলনি কৰে ৷ বাছনি সমিতি আৰু অধিনায়ক শ্বান মাছুদে সৰ্বসন্মতিক্ৰমে শীৰ্ষ বেটছমেন বাবৰ আজম, ফাষ্ট বলাৰ নাছিম শ্বাহ আৰু শ্বাহিন আফ্ৰিদীক দলৰ পৰা বাদ দিয়ে । যাৰ পিছতে পাকিস্তানে দ্বিতীয়খন টেষ্টত ইংলেণ্ডক পৰাজিত কৰি 1338 দিনীয়া ব্যৰ্থতাৰ অৱসান ঘটায় ৷

স্পিনাৰসকলে ঐতিহাসিক জয় প্ৰদান কৰিছিল

দলটোত কোনো বিখ্যাত স্পিনাৰ নাথাকিলেও মেন ইন গ্ৰীণে প্ৰথম টেষ্টৰ বাবে ব্যৱহৃত পিটচকে দ্বিতীয় টেষ্টত ব্যৱহাৰৰ সিদ্ধান্ত গ্ৰহণ কৰে ৷ পাকিস্তানে দ্বিতীয় টেষ্টৰ বাবে মূল একাদশত মাত্ৰ এজন ফাষ্ট বলাৰ বাছনি কৰিছিল । তেওঁ আছিল আমিৰ জামাল ৷

পাকিস্তানৰ স্পিনাৰসকলে দ্বিতীয় টেষ্টত উন্নত প্ৰদৰ্শন দাঙি ধৰিছিল । দলটোৰ হৈ নোমান আলী(11) আৰু চাজিদ খানে(9) আটাইকেইটা উইকেট দখল কৰে ।

টেষ্টৰ চতুৰ্থ দিনা জিকিবলৈ ইংলেণ্ডক 8 টা উইকেটত প্ৰয়োজন আছিল 261 ৰাণৰ ৷ কিন্তু পাকিস্তানী স্পিনাৰে দৰ্শনীয় প্ৰদৰ্শনৰে প্ৰতিপক্ষক বান্ধি ৰাখে 152 ৰাণত ৷

এখন টেষ্ট মেচত 20 টা উইকেট দখল কৰা দুজন বলাৰ: