স্প’ৰ্টছ ডেস্ক, 21 আগষ্ট: বি চি চি আইৰ সচিব হিচাপে কৰ্মৰত জয় শ্বাহক আন্তৰ্জাতিক ক্ৰিকেট পৰিষদৰ(আই চি চি) অধ্যক্ষৰ পদত নিযুক্তি দিয়াৰ পূৰ্ণ সম্ভাৱনা দেখা গৈছে । ক্ৰিকেটজগতৰ অন্যতম প্ৰভাৱশালী ব্যক্তিসকলৰ মাজৰে এজন বুলি গণ্য কৰা হয় জয় শ্বাহক ৷ শ্বাহৰ কাৰ্যকালত ভাৰতীয় ক্ৰিকেট ব’ৰ্ডক আটাইতকৈ শক্তিশালী ব’ৰ্ড হিচাপে গণ্য কৰা হৈছে ৷
বৰ্তমানৰ অধ্যক্ষ গ্ৰেগ বাৰ্কলীয়ে ভিডিঅ’ কনফাৰেন্সৰ জৰিয়তে পৰিচালনা সমিতি আৰু ইয়াৰ মুখ্য সম্প্ৰচাৰ অধিকাৰী ষ্টাৰ অষ্ট্ৰেলিয়াৰ মাজত হোৱা বিবাদৰ মাজতে তেওঁৰ পদত্যাগৰ কথা ঘোষণা কৰে ৷ যি প্ৰতিবেদন প্ৰকাশ পাইছে দ্য এজত । সেয়ে বাৰ্কলীৰ স্থানত শ্বাহ নিযুক্ত হ’লে তেওঁৰ কাৰ্যকাল হ’ব কমেও তিনি বছৰ ৷
আই চি চিৰ এজন মুখপাত্ৰই দ্য এজক কয়, "আই চি চিৰ অধ্যক্ষ গ্ৰেগ বাৰ্কলীয়ে ব’ৰ্ডক নিশ্চিত কৰিছে যে তেওঁ তৃতীয় কাৰ্যকালৰ বাবে দায়িত্ব গ্ৰহণ কৰিব নোৱাৰিব আৰু নৱেম্বৰৰ শেষত তেওঁৰ বৰ্তমানৰ কাৰ্যকাল শেষ হ’লে পদত্যাগ কৰিব" ৷
2020 চনৰ নৱেম্বৰত বাৰ্কলীক স্বতন্ত্ৰ আই চি চি-ৰ অধ্যক্ষ হিচাপে নিযুক্তি দিয়া হয়, তাৰপিছত তেওঁ একেটা পদতে পুনৰ নিৰ্বাচিত হয় 2022 চনত ।
"বৰ্তমানৰ সঞ্চালকসকলে 27 আগষ্ট 2024 ৰ ভিতৰত পৰৱৰ্তী অধ্যক্ষৰ বাবে মনোনয়ন দাখিল কৰিব লাগিব আৰু যদি একাধিক প্ৰাৰ্থী থাকে, তেন্তে নিৰ্বাচন অনুষ্ঠিত হ’ব আৰু নতুন অধ্যক্ষৰ কাৰ্যকাল 1 ডিচেম্বৰ 2024 ৰ পৰা আৰম্ভ হ'ব" আই চি চি ৰ বিষয়াই এনেদৰে কয় ।
জগমোহন ডালমিয়া(1997-2000) আৰু শৰদ পাৱাৰ(2010-2012) হৈছে কেৱল দুগৰাকী ভাৰতীয়, যিয়ে পূৰ্বে আই চি চি ৰ মুৰব্বীৰ পদত অধিষ্ঠিত আছিল । বি চি চি আইৰ সচিব হিচাপে শ্বাহৰ কাৰ্যকাল 2025 চনত সমাপ্ত হ'ব ৷ যাৰ পিছত তেওঁ তিনি বছৰৰ কুলিং-অফ সময়ত প্ৰৱেশ কৰিব লাগিব । এজন ব্যক্তিক আই চি চি ৰ সভাপতি হিচাপে নিৰ্বাচিত কৰাৰ বাবে, সেই ব্যক্তিজনে 16 টাৰ ভিতৰত কমেও 9 টা ভোট লাভ কৰিব লাগিব, যি হৈছে 51% ৰ সমান ।
লগতে পঢ়ক:টেষ্ট ক্ৰিকেটত সৰ্বাধিক ছয় সংগ্ৰহকাৰী শীৰ্ষ 5 উইকেটকীপাৰ বেটছেমেন: তালিকাত কোন ভাৰতীয় ? - MOST SIXES BY WICKET KEEPER BATTER
