স্প’ৰ্টছ ডেস্ক: ইণ্ডিয়ান প্ৰিমিয়াৰ লীগ 2025 ৰ মেগা নিলামত ভাৰতীয় বলাৰসকলৰ ওপৰত কৰা হৈছে যথেষ্ট ধনৰ বৰষুণ ৷ দেওবাৰে 10 টা ফ্ৰেঞ্চাইজিয়ে টীম ইণ্ডিয়াৰ তাৰকা বলাৰসকলৰ ওপৰত তীব্ৰ বিড কৰা পৰিলক্ষিত হয় ।
মেগা নিলামৰ সময়ত টীম ইণ্ডিয়াৰ দ্ৰুত বলাৰ মহম্মদ ছামী, ভাৰতীয় লেগ স্পিনাৰ যুজবেন্দ্ৰ চাহাল আৰু দ্ৰুত বলাৰ মহম্মদ চিৰাজে বৃহৎ বিড লাভ কৰে ।
ছামীৰ ওপৰত আস্থা প্ৰকাশ কৰিছে হায়দৰাবাদে
ভাৰতৰ সোঁহতীয়া ফাষ্ট বলাৰ মহম্মদ ছামীক ছানৰাইজাৰ্ছ হায়দৰাবাদে 10 কোটি মূল্যত ক্ৰয় কৰিছে । কে কে আৰ আৰু এল এছ জি দুয়োটাই ছামীৰ বাবে বিড আৰম্ভ কৰিছিল । তেওঁলোক দুয়োজনে খেলুৱৈগৰাকীৰ ওপৰত 9.75 কোটিৰ বিড লগোৱা দেখা যায় । অৱশেষত হায়দৰাবাদে খেলুৱৈগৰাকীক ক্ৰয় কৰে ৷
পঞ্জাৱে ক্ৰয় কৰে যুজবেন্দ্ৰ চাহালক
ভাৰতৰ সোঁহতীয়া লেগ স্পিনাৰ যুজবেন্দ্ৰ চাহালেও আই পি এলৰ নিলামত যথেষ্ট ধন লাভ কৰিছিল । চেন্নাই, গুজৰাট আৰু পঞ্জাৱৰ মাজত হোৱা তুমুল প্ৰতিদ্বন্দ্বিতাৰ পিছত পঞ্জাৱ কিংছে চাহালক 18 কোটি টকাত ক্ৰয় কৰে ।
নিবিদাৰ সময়ত লক্ষ্ণৌ চুপাৰ জায়েণ্টছেও এই প্ৰতিদ্বন্দ্বিতাক প্ৰৱেশ কৰে । পঞ্জাৱে নিবিদা 14 কোটি টকালৈ বৃদ্ধি কৰিছিল, কিন্তু হায়দৰাবাদে তেওঁলোকক 15.75 কোটি টকাৰ নিবিদাৰে পৰাজিত কৰে । অৱশেষত চাহালক পঞ্জাৱে 18 কোটি টকাত ক্ৰয় কৰিবলৈ সক্ষম হয় ।
গুজৰাটত অন্তৰ্ভুক্ত মহম্মদ চিৰাজ
মহম্মদ চিৰাজক গুজৰাট টাইটানছে 12.25 কোটি টকাত ক্ৰয় কৰে । গুজৰাট টাইটানছ আৰু ৰাজস্থান ৰয়েলছে চিৰাজৰ বাবে বিড কৰা দেখা যায় । গুজৰাট টাইটানছে অৱশেষত খেলুৱৈগৰাকীক 12.25 কোটি টকাত ক্ৰয় কৰে । আৰ চি বিয়ে চিৰাজৰ বাবে আৰ টি এম ব্যৱহাৰ কৰা নাছিল ।
ভাৰতৰ এই তিনিজন বলাৰৰ বাবে নিলামত যথেষ্ট উন্মাদনা আছিল । এতিয়া এই তিনিজনক নতুন ফ্ৰেঞ্চাইজিৰ হৈ আই পি এল 2025 ত খেলা দেখা যাব । ছামীয়ে পূৰ্বে গুজৰাট টাইটানছৰ হৈ খেলিছিল । তদুপৰি চাহালে ৰাজস্থান ৰয়েলছ আৰু মহম্মদ চিৰাজে ৰয়েল চেলেঞ্জাৰ্ছ বেংগালুৰুৰ হৈ খেলিছিল ।
লগতে পঢ়ক:27 ছেকেণ্ডত 27 কোটি টকাৰ অধিকাৰীত পৰিণত ঋষভ পন্ত
