নতুন বছৰত গঢ়ি তোলক এই ৫টা অভ্যাস, জিলিকি উঠিব আপোনাৰ ছাল!

শীতকালত ছালৰ বিশেষ যত্ন লোৱাটো খুবেই প্ৰয়োজনীয়, সেয়ে ছালখনক সুস্থ ৰাখিবলৈ এই ৫টা টিপছ অনুৰসৰণ কৰি নৱবৰ্ষত এখন সুস্থ ছালৰগৰাকী হোৱাৰ সংকল্প গ্ৰহণ কৰিব পাৰে-

Skin Care Tips: আৰম্ভ হৈছে ২০২৫ বৰ্ষ ৷ এই বছৰটোত শাৰীৰিক স্বাস্থ্যৰ লগতে ছালৰ যত্ন লোৱাটো জৰুৰী ৷ নিয়মিত ছালৰ যত্নৰ নিয়মে আপোনাৰ ছালখনক পুষ্টিকৰ, সুষম আৰু উজ্জ্বল কৰি ৰখাত সহায় কৰে ৷ কিছুমান সহজ ব্যৱস্থা গ্ৰহণ কৰি ছালৰ সাধাৰণ সমস্যা দূৰ কৰিব পাৰে ৷

ছালৰ বিশেষজ্ঞসকলে কয় যে, শীতকালেই হওক বা গ্ৰীষ্মকালেই হওক, মহিলাসকলে তেওঁলোকৰ ছালখন জিলিকি থকাটো বিচাৰে ৷ ছালখন সুস্থ কৰি ৰাখিবলৈ ছালৰ যত্নৰ ৰিজ’লিউচন ল’ব পাৰে ৷ ছালখন কোমল আৰু চিকচিকিয়া কৰিবলৈ কোনবোৰ টিপছ মানি চলিব লাগে বিশেষজ্ঞৰ পৰা জানক ৷

নতুন বছৰত গঢ়ি তোলক এই ৫টা অভ্যাস, জিলিকি উঠিব আপোনাৰ ছাল! (FREEPIK)

• পৰিষ্কাৰ কৰা (Cleanser)

ছালখন পৰিষ্কাৰ কৰিবলৈ মৃদু আৰু হাইড্ৰেটিং ক্লিনজাৰ ব্যৱহাৰ কৰক ৷ ই ছালৰ পৰা মলি আৰু অতিৰিক্ত তেল আঁতৰোৱাত সহায় কৰিব, লগতে ছালৰ প্ৰাকৃতিক আৰ্দ্ৰতা বজাই ৰাখে ৷ ক্লিনজিং কৰিলে আপোনাৰ ছালখন সতেজ হৈ পৰে ৷

পৰিষ্কাৰ কৰা (FREEPIK)

• এক্সফোলিয়েটিং (Scrubbing)

সপ্তাহত এবাৰ কোমল এক্সফোলিয়েটৰ ব্যৱহাৰ কৰিব লাগে ৷ ইয়াৰ দ্বাৰা ছালৰ মৃত কোষবোৰ আঁতৰাই পেলাব পাৰি ৷ নিয়মীয়াকৈ ছালৰ শুকান আৰু নিৰ্জীৱ তৰপবোৰ কম কৰিব পাৰি ৷ ইয়াৰ ফলত মেকআপৰ সময়ত ছালত পৰিষ্কাৰ পোৱা যায় ৷

এক্সফোলিয়েটিং (FREEPIK)

• টোনাৰ (Toner)

পৰিষ্কাৰ কৰাৰ পিছত ছালৰ প্ৰাকৃতিক পি এইচ ভাৰসাম্য ৰক্ষা কৰিবলৈ ভাল টোনাৰ প্ৰয়োগ কৰিব লাগে ৷ টোনাৰে ছিদ্ৰবোৰ টান কৰি ছালখন সতেজ কৰি তোলে ৷ ইয়াৰ ফলত ছালখনক মইশ্ব’ৰাইজাৰ আৰু ছিৰাম ভালদৰে শোষণ কৰিবলৈ প্ৰস্তুত কৰে ৷

টোনাৰ (FREEPIK)

• মইশ্ব’ৰাইজিং(Moisturizing)

প্ৰতিদিনে পুৱা আৰু ৰাতি মইশ্ব’ৰাইজাৰ লগাব লাগে ৷ ই ছালখন কোমল কৰি ৰখাত সহায় কৰে ৷ সঠিক হাইড্ৰেচনে ছালৰ শুকান ঠাইবোৰ আঁতৰাই পেলায় ৷ ইয়াৰ ফলত ছালখন কোমল হৈ থাকে ৷

মইশ্ব’ৰাইজিং (FREEPIK)

• ছানস্ক্ৰীণ (Protection from the sun)

ছানস্ক্ৰীণ প্ৰয়োগ কৰাটো কেতিয়াও এৰি নিদিব ৷ প্ৰতিদিনে পুৱা ভাল এছ পি এফ থকা ছানস্ক্ৰীণ প্ৰয়োগ কৰিব, যিয়ে আপোনাৰ ছালখনক ক্ষতিকাৰক অতিবেঙুনীয়া ৰশ্মিৰ পৰা ৰক্ষা কৰে ৷ নিয়মিতভাৱে ছানস্ক্ৰীণ প্ৰয়োগ কৰিলে অকাল বাৰ্ধক্য আৰু ছালৰ দাগ ৰোধ কৰাত সহায় কৰে ৷

ছানস্ক্ৰীণ (FREEPIK)

(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)

উৎস:-https://pubmed.ncbi.nlm.nih.gov/31840424/

লগতে পঢ়ক