প্ৰতি শুকুৰবাৰে কৰক এই ৫টা কাম আৰু লাভ কৰক মা লক্ষ্মীৰ কৃপা

আপোনাৰ জীৱনত ধনৰ অভাৱ দূৰ কৰি সমৃদ্ধি লাভ কৰিবলৈ বিচাৰে নেকি ? তেন্তে প্ৰতি শুক্ৰবাৰে তলত উল্লেখ কৰা পাঁচটা কাম কৰিব পাৰে-

সনাতন ধৰ্মত সপ্তাহৰ পঞ্চম অৰ্থাৎ শুক্ৰবাৰৰ দিনটো দেৱী লক্ষ্মীক উৎসৰ্গা কৰা হয় ৷ সম্পদ আৰু সমৃদ্ধিৰ দেৱী মা লক্ষ্মীৰ উপাসনাৰ বাবে শুক্ৰবাৰটো বিশেষভাৱে গুৰুত্বপূৰ্ণ ৷ এই দিনটোত ভক্তই উপাসনা কৰিলে দেৱী লক্ষ্মীৰ বিশেষ আৰ্শীবাদ লাভ কৰিব পাৰে ৷ আপুনিও যদি আপোনাৰ জীৱনত ধনৰ অভাৱ দূৰ কৰি সমৃদ্ধি লাভ কৰিবলৈ বিচাৰে, তেন্তে প্ৰতি শুক্ৰবাৰে তলত উল্লেখ কৰা পাঁচটা কাম কৰিব পাৰে-

মা লক্ষ্মীৰ উপাসনা

প্ৰতি শুক্ৰবাৰে পুৱা সোনকালে উঠি দেৱী লক্ষ্মীৰ উপাসনা কৰিব ৷পুৱা ঘৰৰ উপাসনা স্থান পৰিস্কাৰ কৰি তাত চাকি আৰু ধূপ কাঠি জ্বলাব ৷ দেৱী লক্ষ্মীৰ ফটো বা মূৰ্তিৰ সন্মুখত বগা ফুল, চাউল আৰু গাখীৰ আগবঢ়াব ৷

গৰুক পিঠা খুৱাব

শুক্ৰবাৰে গৰুক পিঠা খুৱাইও আপুনি মা লক্ষ্মীৰ আৰ্শীবাদ লাভ কৰিব পাৰে ৷ এই দিনটোত গৰুক পিঠা খুওৱাৰ ফলত সম্পদ আৰু বিত্তীয় স্থিৰতাৰ সম্ভাৱনা বৃদ্ধি হয় ৷বিশ্বাস অনুসৰি, এনে কৰিলে ঘৰখনত লক্ষ্মীয়ে বাস কৰে ৷ যাৰ ফলত আপুনি আৰ্থিক সমস্যাৰ পৰা হাত সাৰি থাকিব পাৰে ৷

পৰিস্কাৰ-পৰিচ্ছন্নতা

শুক্ৰবাৰে ঘৰটো পৰিস্কাৰ কৰা তথা সজোৱাৰ প্ৰতি বিশেষ মনোযোগ দিব ৷ ঘৰখন লেতেৰা আৰু বিশৃংখলতা হৈ থাকিলে মা লক্ষ্মীৰ আৰ্শীবাদ প্ৰাপ্তত বাধা হয় ৷ ঘৰটো পৰিস্কাৰ আৰু পৰিপাটি কৰি ৰাখি আপুনি ইতিবাচক শক্তি আমন্ত্ৰণ কৰিব পাৰে আৰু সম্পদৰ আগমনৰ সম্ভাৱনা বৃদ্ধি কৰিব পাৰে ৷

দৰিদ্ৰ লোকক কৰক সহায়

শুক্ৰবাৰে দৰিদ্ৰ ব্যক্তিক খাদ্য, কাপোৰ বা ধন দান কৰিব ৷ বিশ্বাস মতে, এই দিনটোত দান কৰিলে লক্ষ্মীৰ কৃপা প্ৰাপ্ত হয় ৷ দানে আপোনাৰ জীৱনত সম্পদ আৰু সমৃদ্ধি বৃদ্ধি কৰিব পাৰে ৷

'শ্ৰী সুক্ত' আবৃত্তি কৰক

দেৱী লক্ষ্মীৰ বিশেষ আশীৰ্বাদ লাভ কৰিবলৈ শুক্ৰবাৰে 'শ্ৰী সুক্ত' আবৃত্তি কৰক ৷ 'শ্ৰী সুক্ত' হৈছে এক গুৰুত্বপূৰ্ণ ধৰ্মীয় শাস্ত্ৰ, যাক সম্পদ, সমৃদ্ধি আৰু সুখ প্ৰাপ্তিৰ বাবে পঢ়া হয় ৷শ্ৰদ্ধা আৰু ভক্তিৰে 'শ্ৰী সুক্ত' পাঠ কৰিলে জীৱনত ধনৰ অভাৱ দূৰ কৰিব পাৰি ৷

প্ৰতি শুক্ৰবাৰে এই সৰল প্ৰতিকাৰবোৰ গ্ৰহণ কৰি আপুনি আপোনাৰ জীৱনত সম্পদ আৰু সমৃদ্ধি প্ৰাপ্ত কৰিব পাৰে ৷

লগতে পঢ়ক:জীৱনত ধনৰ অভাৱ দূৰ কৰিব বিচাৰে নেকি ? আজি লক্ষ্মী পূজাৰ দিনা কৰক এই কাম