শেহতীয়াকৈ হঠাৎ অসুস্থ হৈ পৰিছিল বলীউডৰ অভিনেতা মিথুন চক্ৰৱৰ্তী ৷ ইয়াৰ পিচতে মিথুন চক্ৰৱৰ্তীক কলকাতাৰ এখন চিকিৎসালয়ত ভৰ্তি কৰোৱা হয় । মিথুনৰ স্বাস্থ্য সন্দৰ্ভত কলকাতা চিকিৎসালয় আৰু চিকিৎসকৰ দলে এক আনুষ্ঠানিক বিবৃতি প্ৰকাশ কৰি কয় যে মিথুন ইস্কেমিক চেৰিব্ৰ’ভেছকুলাৰ ষ্ট্ৰ’ক নামৰ ৰোগত আক্ৰান্ত হৈছে । তেওঁৰ মগজুত ইস্কেমিক চেৰিব্ৰ’ভেছকুলাৰ ষ্ট্ৰ’ক পোৱা গৈছে ।
আচলতে মিথুনক শৰীৰৰ সোঁফালৰ দুৰ্বলতাৰ বাবে চিকিৎসালয়লৈ লৈ যোৱা হৈছিল, য’ত চিকিৎসকে মিথুনৰ ৰোগৰ বিষয়ে জানিব পাৰিছিল । বৰ্তমান মিথুনক চিকিৎসকৰ তত্বাৱধানত ৰখা হৈছে । কিন্তু ইস্কেমিক চেৰিব্ৰ’ভেছকুলাৰ ষ্ট্ৰ’ক কি ? কেনেকৈ হয় এই ৰোগৰ উৎপত্তি হয় ? ইয়াৰ সৈতে জড়িত প্ৰতিটো প্ৰশ্নৰ উত্তৰ জানো আহক এই প্ৰতিবেদনত ।
আচলতে ইস্কেমিক চেৰিব্ৰ’ভাস্কুলাৰ ষ্ট্ৰ’ক এক প্ৰকাৰৰ ষ্ট্ৰ’ক, ই মগজুৰ তেজ চলাচলত বাধাৰ সৃষ্টি কৰে । মগজুত তেজৰ সোঁত লেহেমীয়া হোৱাৰ বাবে অক্সিজেন আৰু অন্যান্য পুষ্টিকৰ পদাৰ্থ মগজুত সঠিকভাৱে নপৰে, যাৰ ফলত মগজুৰ ক্ষতি হোৱাৰ সম্ভাৱনা বৃদ্ধি পায় ।
ইস্কেমিক চেৰিব্ৰ’ভাস্কুলাৰ ষ্ট্ৰোকৰ কাৰণ কি ?
ইস্কেমিক ষ্ট্ৰোক (Ischemic stroke) - এইটো আটাইতকৈ সাধাৰণ, যিটো মগজুলৈ তেজ যোগান ধৰা শিৰাবোৰ বন্ধ হোৱাৰ ফলত হয় । এই বন্ধ হোৱাটো চৰ্বি জমা হোৱা বা আন কাৰণত হব পাৰে।
Hemorrhagic Stroke(ৰক্তক্ষৰণজনিত ষ্ট্ৰোক)
মগজুলৈ তেজ কঢ়িয়াই নিয়া শিৰাবোৰ ফাটি যোৱাৰ ফলত এই ষ্ট্ৰোক হয়, যাৰ ফলত মগজুত ৰক্তক্ষৰণ হ’ব পাৰে ।
ইস্কেমিক চেৰিব্ৰ’ভেছকুলাৰ ষ্ট্ৰোকৰ লক্ষণসমূহ কি কি ?
ইয়াৰ লক্ষণ বিভিন্ন ধৰণৰ হ’ব পাৰে আৰু ইয়াৰ প্ৰভাৱ বিভিন্ন ধৰণৰ হ’ব পাৰে ৷ কিন্তু কিছুমান সাধাৰণ লক্ষণ এনেধৰণৰ -
1) হাত, ভৰি আৰু মুখৰ অজ্ঞানতা আৰু হঠাৎ দুৰ্বলতা অনুভৱ কৰা । প্ৰায়ে শৰীৰৰ এটা অংশত এনেকুৱা হয়।
2) হঠাৎ বিভ্ৰান্তি হোৱা, কথা কোৱাত অসুবিধা হোৱা বা যিকোনো কথা বুজিবলৈ অসুবিধা হোৱা