গৰ্ভাৱস্থাত থাইৰয়ডৰ সমস্যা হৈছে নেকি? এইবোৰ কথা মনত ৰাখি কৰক নিয়ন্ত্ৰণ

Thyroid Problem: থাইৰয়ড গ্ৰন্থিয়ে কেলৰি বাৰ্নিং অৰ্থাৎ আমাৰ বিপাকীয় হাৰ নিয়ন্ত্ৰণ কৰে ৷ কিন্তু গৰ্ভাৱস্থাত থাইৰয়ডৰ সমস্যা বাঢ়িব পাৰে । এনে পৰিস্থিতিত কিছুমান টিপছ মানি চলিব পাৰে ।

অনিয়মিত খাদ্যাভ্যাস তথা ভুল জীৱনশৈলীৰ লগত জড়িত সমস্যাৰ বাবে বহুলোকে থাইৰয়ডৰ সমস্যাৰ সন্মুখীন হ’বলগীয়া হৈছে ৷ আনকি কিছুমান লোকে গম নোপোৱাকৈ থাইৰয়ডৰ সমস্যাৰ সৈতে যুঁজিবলগীয়া হয় ৷ এনে পৰিস্থিতিত থাইৰয়ড সম্পৰ্কে সজাগ হোৱাটো অতিকৈ প্ৰয়োজনীয় ৷ এই ৰোগত ওজন কমি যোৱাৰ লগতে হৰম’নৰো কিছুমান পৰিবৰ্তন হয় ৷

স্বাস্থ্য বিশেষজ্ঞসকলৰ মতে, থাইৰয়ড গ্ৰন্থিৰ খেলি-মেলিৰ বাবে হাইপাৰথাইৰয়ডিজম বা হাইপোথাইৰয়ডিজমৰ সমস্যা হ’ব পাৰে ৷ বিশেষজ্ঞসকলেও কয় যে, গৰ্ভাৱস্থাত থাইৰয়ডৰ সমস্যাই মহিলা আৰু গৰ্ভত থকা শিশুৰ স্বাস্থ্যৰ প্ৰতি ভাবুকি কঢ়িয়াই আনিব পাৰে ৷ এনে পৰিস্থিতিত মহিলাসকলে কিছুমান বিশেষ ক্ষেত্ৰত যত্ন লোৱাটো উচিত ৷

খাদ্যৰ যত্ন লওক

ভুল খাদ্যাভ্যাসৰ বাবেও থাইৰয়ডৰ সমস্যা হ’ব পাৰে ৷ গৰ্ভাৱস্থাৰ পৰ্যায়ত থকা মহিলাসকলে খাদ্যাভ্যাসৰ বিশেষ যত্ন ল’ব লাগে ৷ স্বাস্থ্য বিশেষজ্ঞসকলে কয় যে, যদি এগৰাকী মহিলাৰ ইতিমধ্যে হাইপাৰথাইৰয়ডিজমৰ সমস্যা আছে তেন্তে তেওঁ নূন্যতম নিমখ খাব লাগে ৷ সেয়ে অধিক পৰিমাণে শাক-পাচলি খাবলৈ চেষ্টা কৰক, যিয়ে থাইৰয়ড নিয়ন্ত্ৰণত ৰাখিব পাৰে ৷ হাইপোথাইৰয়ডিজমৰ সমস্যাৰ সন্মুখীন হোৱা মহিলাসকলে আয়’ডিন আৰু গোটা শস্য খাব লাগে ৷

দৈনিক যোগাসন কৰক

দীৰ্ঘদিনীয়া ৰোগ নিয়ন্ত্ৰণত যোগাসন অতি লাভদায়ক৷ বেয়া জীৱনশৈলীৰ বাবেই থাইৰয়ডৰ সমস্যাৰ সৃষ্টি হয় ৷ এনে পৰিস্থিতিত যোগাভ্যাস কৰি ইয়াক নিয়ন্ত্ৰণ কৰিব পৰা যায় ৷ অৱশ্যে ইয়াৰ বাবে যোগ বিশেষজ্ঞৰ পৰামৰ্শ মতেহে যোগাসন কৰিব লাগে ৷

কম মানসিক চাপত থাকিব লাগে

ইয়াৰ লগতে যিমান পাৰি মানসিক চাপ কমাই ৰাখিব লাগে৷ যিমানেই মানসিক চাপ ল’ব সিমানেই থাইৰয়ডৰ সমস্যা বাঢ়িব পাৰে ৷ স্বাস্থ্য বিশেষজ্ঞসকলেও কয় যে, গৰ্ভাৱস্থাত থাইৰয়ডৰ সমস্যা তেনেই সাধাৰণ ৷ এনে পৰিস্থিতিত আপুনি ভয় নোখোৱাকৈ সঠিক জীৱনশৈলীৰ নিয়ম মানি চলাটো উচিত নহয় ৷

চেকআপ কৰি থাকক

গৰ্ভাৱস্থাত থাইৰয়ডৰ সমস্যাৰ কাৰণ হ’ল হৰম’নৰ ভাৰসাম্যহীনতা ৷ এই কাৰণেই এনে সময়ত মহিলাসকলে এই সমস্যাৰ সন্মুখীন হ’ব পাৰে ৷ যদি কোনো মহিলা ইতিমধ্যে থাইৰয়ডত আক্ৰান্ত হৈছে তেন্তে তেওঁ নিয়মিতভাৱে নিজৰ স্বাস্থ্য পৰীক্ষা কৰাব লাগে ৷

লগতে পঢ়ক:যোনিৰ ৰক্তক্ষৰণ হ’ব পাৰে ডিম্বাশয়ৰ চিষ্টৰ লক্ষণ ! শৰীৰত এই লক্ষণ দেখিলে হৈ যাওক সাৱধান