শেহতীয়াকৈ আমেৰিকা যুক্তৰাষ্ট্ৰৰ এগৰাকী চিকিৎসকে কমকৈ সিজোৱা গাহৰিৰ মাংস খোৱাৰ ফলত হোৱা পৰজীৱী সংক্ৰমণত আক্ৰান্ত এগৰাকী ব্যক্তিৰ চিটি স্কেনৰ ছবি সামাজিক মাধ্যমযোগে শ্বেয়াৰ কৰিছে ৷
নিয়মিতভাৱে ছ’চিয়েল মিডিয়াত চিকিৎসা বিজ্ঞানৰ কেছ ষ্টাডি শ্বেয়াৰ কৰা জৰুৰীকালীন চিকিৎসা বিভাগৰ চিকিৎসক ডাঃ ছেম ঘালীয়ে সোমবাৰে ৰোগীজনৰ অংগ-প্ৰত্যংগৰ চিটি স্কেনৰ ছবিখন শ্বেয়াৰ কৰে যিটো তেওঁ কয় যে ৰোগীগৰাকী "Infamous Parasitic Infection"ত আক্ৰান্ত হৈছে, যাৰ বৈজ্ঞানিক নাম টেনিয়া ছলিয়াম (Taenia Solium) বা চিষ্টিচাৰক’ছিছ (Cysticercosis) বুলিও কোৱা হয় ৷
স্কেনত যি দেখা গ’ল সেই বিষয়ে ব্যাখ্যা কৰি ঘালীয়ে তেওঁৰ পোষ্টত কয় যে, ‘আধা সিজোৱা গাহৰিৰ মাংসত পোৱা চিষ্ট মানুহে খালে টেনিয়া ছলিয়ামৰ দ্বাৰা সংক্ৰমিত হয় ৷ চিকিৎসকে কয় যে, গ্ৰহণ কৰাৰ প্ৰায় 5 পৰা 12 সপ্তাহৰ পিচত এই চিষ্টবোৰ গেষ্ট্ৰাইটিছৰ ভিতৰত পৰিপক্ক প্ৰাপ্তবয়স্ক টেপৱৰ্মলৈ অৰ্থাৎ পৰজীৱীলৈ পৰিণত হয়, যিটো অৱস্থাক অন্ত্ৰৰ টেনিয়াছিছ হোৱা বুলি জনা যায় ।
কিছুমান বিশেষ মানুহৰ ক্ষেত্ৰত এই পৰজীৱীয়ে শেষত মগজুলৈ গৈ মগজুৰ কলাত চিষ্ট গঠন কৰি মূৰৰ বিষ, বিভ্ৰান্তি, আক্ৰমণ, আৰু অন্যান্য গুৰুতৰ স্নায়ুজনিত সমস্যাৰ সৃষ্টি কৰিব পাৰে বুলি ডাঃ ঘালীয়ে জানিবলৈ দিয়ে ৷