দৈনিক মলত্যাগ কৰিব নোৱাৰাৰ সমস্যাক ভুলতেও নকৰিব আওকাণ (ETV Bharat)
প্ৰতিদিনে পুৱা শৌচ ত্যাগ কৰাটো আমাৰ শৰীৰৰ এক অপৰিহাৰ্য কাম ৷ কিন্তু কেতিয়াবা পাচনতন্ত্ৰ বা অন্যান্য স্বাস্থ্যজনিত সমস্যা, টোপনিৰ অভাৱ বা আন কাৰণত নিয়মিত মলত্যাগত প্ৰভাৱ পৰিব পাৰে ৷
চিকিৎসকে কয় যে, যদি দীৰ্ঘদিন ধৰি আপুনি মলত্যাগ নকৰে বা মল খুব কম হয় আৰু এই সমস্যা দীৰ্ঘদিন ধৰি চলি থাকে বা বাৰে বাৰে দেখা দিয়ে তেন্তে ইয়াৰ ফলত বহু সমস্যাৰ সৃষ্টি হ’ব পাৰে ৷
মুম্বাইৰ আৰোগ্যধম আয়ুৰ্বেদিক চিকিৎসালয়ৰ চিকিৎসক ডাঃ মনীষা কালে কয় যে, দৈনিক মলত্যাগ শৰীৰৰ অন্যতম স্বাভাৱিক কাম, যিটো পাচনতন্ত্ৰ সুচাৰুৰূপে চলিবলৈ আৰু শৰীৰটো সুস্থ কৰি ৰখাৰ বাবে প্ৰয়োজনীয় ৷ যেতিয়া আমি নিয়মীয়াকৈ মলত্যাগ কৰো তেতিয়া আমাৰ শৰীৰৰ পেলনীয়া পদাৰ্থ আৰু বিষাক্ত পদাৰ্থৰ পৰা মুক্ত হৈ আমাৰ অন্ত্ৰ পৰিষ্কাৰ আৰু সুস্থ হৈ থাকে ৷ কিন্তু যদি কিবা কাৰণত দৈনিক মলত্যাগ সম্ভৱ নহয়, তেন্তে বহু ধৰণৰ স্বাস্থ্যজনিত সমস্যাৰ সৃষ্টি হ’ব পাৰে ৷ কিন্তু খাদ্যাভ্যাসৰ উন্নতি, পৰ্যাপ্ত পৰিমাণৰ পানী সেৱন, দৈনন্দিন জীৱনত শাৰীৰিক কাৰ্যকলাপ অন্তৰ্ভুক্ত কৰিলে এই সমস্যাৰ পৰা হাত সাৰিব পাৰি ৷ কিন্তু যদি মল-মূত্ৰৰ সমস্যা দীৰ্ঘদিন ধৰি থাকে তেন্তে চিকিৎসকৰ পৰামৰ্শ লোৱাটো প্ৰয়োজনীয় ৷
দৈনিক মলত্যাগ কিয় গুৰুত্বপূৰ্ণ ?
ডাঃ মনীষা কালে কয় যে, সামগ্ৰিক স্বাস্থ্যৰ বাবে দৈনিক মলত্যাগ অতি গুৰুত্বপূৰ্ণ ৷ আজি এই প্ৰতিবেদনৰ জৰিয়তে জানো আহক কিয় এই কাম আমাৰ শৰীৰৰ বাবে কিয় গুৰুত্বপূৰ্ণ ৷
· শৰীৰক বিষাক্ত উপাদানৰ পৰা মুক্ত কৰে
খাদ্য হজমৰ পিচত আমাৰ শৰীৰত ৰৈ যোৱা পেলনীয়া পদাৰ্থবোৰ মলৰ ৰূপত বাহিৰ হোৱাটো প্ৰয়োজনীয় ৷ যদি এই আৱৰ্জনাবোৰ শৰীৰত জমা হৈ থাকে তেন্তে বিষাক্ত পদাৰ্থলৈ পৰিণত হয়, যাৰ ফলত শৰীৰৰ ক্ষতি হ’ব পাৰে ৷ নিয়মীয়াকৈ মলত্যাগ কৰিলে এই বিষাক্ত পদাৰ্থ শৰীৰৰ পৰা আঁতৰি যায়, যাৰ ফলত শৰীৰ সুস্থ হৈ থাকে ৷
· পাচনতন্ত্ৰ সুস্থ কৰি ৰখা
নিয়মীয়াকৈ মলত্যাগ কৰিলে পাচনতন্ত্ৰই সঠিকভাৱে কাম কৰে ৷ যদি পাচনতন্ত্ৰ সঠিকভাৱে কাম নকৰে তেন্তে কোষ্ঠকাঠিন্যৰ দৰে সমস্যাৰ সৃষ্টি হ’ব পাৰে ৷ ইয়াৰ উপৰিও কোষ্ঠকাঠিন্যৰ ফলত পেট ফুলা, গেছ আৰু পেটৰ বিষ আদি সমস্যাও হ’ব পাৰে ৷ নিয়মীয়াকৈ মলত্যাগ কৰিলে পাচনতন্ত্ৰ মসৃণ হৈ থাকে আৰু অন্ত্ৰ পৰিষ্কাৰ কৰাত সহায় কৰে ৷
সুস্থ অন্ত্ৰ
দৈনিক মল-মূত্ৰই অন্ত্ৰ পৰিষ্কাৰ কৰি ৰখাত সহায় কৰে ৷ যদি অন্ত্ৰত মল জমা হৈ থাকে তেন্তে ই অন্ত্ৰত ফুলা, বিষ আৰু সংক্ৰমণৰ সম্ভাৱনা বৃদ্ধি কৰিব পাৰে ৷ শৰীৰৰ সামগ্ৰিক স্বাস্থ্যৰ বাবে সুস্থ অন্ত্ৰ অতি প্ৰয়োজনীয় ৷
মল-মূত্ৰৰ অভাৱৰ বাবে উদ্ভৱ হোৱা সমস্যা
তেওঁ কয় যে, নিয়মীয়াকৈ শৌচ কৰাৰ প্ৰক্ৰিয়াত বাধাৰ সৃষ্টি হ’লে বহু ধৰণৰ স্বাস্থ্যজনিত সমস্যাৰ সৃষ্টি হ’ব পাৰে, ইয়াৰে কিছুমান তলত দিয়া ধৰণৰ-
কোষ্ঠকাঠিন্যঃ নিয়মিতভাৱে মলত্যাগ নকৰাৰ ফলত কোষ্ঠকাঠিন্য হ’ব পাৰে ৷ ইয়াত মলটো কঠিন হৈ পৰে, যাৰ বাবে মল বাহিৰ হোৱাত অসুবিধাৰ সৃষ্টি হয় ৷ দীৰ্ঘদিন ধৰি কোষ্ঠকাঠিন্য হ’লে পাইলছ দৰে সমস্যা হ’ব পাৰে ৷
পেটৰ বিষ আৰু গেছঃশৰীৰত মল জমা হ’লে পেটৰ বিষ, ফুলা আৰু গেছ গঠন হয় ৷ অত্যধিক গেছ গঠন হ’লে পেট ফুলা আৰু অস্বস্তিৰ সৃষ্টি হয়, যাৰ ফলত দৈনন্দিন জীৱনত প্ৰভাৱ পৰিব পাৰে ৷
অন্ত্ৰৰ সমস্যাঃ অন্ত্ৰত মল বহুদিন ধৰি মল জমা হৈ থাকিলে অন্ত্ৰৰ সংক্ৰমণ হ’ব পাৰে ৷ ইয়াৰ ফলত অন্ত্ৰত প্ৰদাহ, আলচাৰ, অন্যান্য গুৰুতৰ ৰোগ হ’ব পাৰে ৷ ইয়াৰ উপৰিও অন্ত্ৰত মল দীৰ্ঘদিন ধৰি ৰখাৰ ফলত অন্ত্ৰৰ কৰ্কট ৰোগৰ সম্ভাৱনাও বৃদ্ধি পাব পাৰে ৷
ছালৰ সমস্যা: যেতিয়া শৰীৰে মলৰ যোগেদি বিষাক্ত পদাৰ্থ বাহিৰ কৰিব নোৱাৰে তেতিয়া এই বিষাক্ত পদাৰ্থই ছালত প্ৰভাৱ পেলাব পাৰে ৷ ইয়াৰ ফলত ব্ৰণ, পিম্পল আৰু অন্যান্য ছালৰ লগত জড়িত সমস্যা হ’ব পাৰে ৷
মলত্যাগ কৰিব নোৱাৰাৰ আঁৰৰ কাৰণ
ডাঃ মনীষা কালে কয় যে, এই সমস্যাৰ বাবে বহু কাৰণ দায়ী হ’ব পাৰে, ইয়াৰে কিছুমান তলত দিয়া ধৰণৰ-
পানীৰ অভাৱ:পৰ্যাপ্ত পৰিমাণৰ পানী খাব নোৱাৰিলে শৰীৰত পানীলগা হ’ব পাৰে, যাৰ ফলত মল কঠিন হৈ পৰে ৷ এই পৰিস্থিতিত মল পাৰ হোৱাটো কঠিন হৈ পৰে ৷ দৈনিক পৰ্যাপ্ত পৰিমাণৰ পানী খাব লাগে ৷
শাৰীৰিক ক্ৰিয়া-কলাপৰ অভাৱ: বেছি সময় বহি থকা বা শাৰীৰিক ক্ৰিয়া-কলাপ নকৰা লোকৰ মলত্যাগত সমস্যা হ’ব পাৰে ৷ শাৰীৰিক কাৰ্য্যকলাপে পাচনতন্ত্ৰ সক্ৰিয় কৰি ৰাখে আৰু মলত্যাগ সহজ হৈ পৰে ৷
মানসিক চাপ: মানসিক চাপ আৰু উদ্বেগেও মলত্যাগত প্ৰভাৱ পেলায় ৷ অতিৰিক্ত মানসিক চাপৰ বাবে হজম প্ৰক্ৰিয়াটো লেহেমীয়া হ’ব পাৰে, যাৰ ফলত কোষ্ঠকাঠিন্যৰ সমস্যা বৃদ্ধি পায় ৷
প্ৰয়োজনীয় চিকিৎসকৰ পৰামৰ্শৰ
তেওঁ কয় যে, এই সমস্যা শিশু বা বৃদ্ধ লোকৰ ক্ষেত্ৰত বেছিকৈ হোৱা দেখা যায় ৷ কিন্তু বৰ্তমানৰ অনিয়মিত খাদ্যাভ্যাস বা অন্যান্য কাৰণত যুৱক-যুৱতীসকলৰ মাজতো এই সমস্যা তেনেই সাধাৰণ হৈ পৰিছে ৷ বেছিভাগ ক্ষেত্ৰতে এনে হ’লে সাধাৰণতে ঘৰতে বা নিজাববীয়াকৈ ঔষধ সেৱন কৰি ঘৰতে এই সমস্যাৰ পৰা মুক্তি পাবলৈ চেষ্টা কৰে ৷ কিন্তু আয়ুৰ্বেদ হওক বা এলোপেথী, যদি মল ত্যাগ কৰিব নোৱাৰাৰ সমস্যা হৈছে, তেন্তে চিকিৎসকৰ পৰামৰ্শ নোলোৱাকৈ ঔষধ সেৱন কৰাটো পৰিহাৰ কৰক ৷ দৰাচলতে ঢিলা মলৰ বাবে দিয়া ঔষধ সঠিক পৰিমাণত সেৱন নকৰিলে ডায়েৰিয়া বা আন কিছুমান সমস্যাও হ’ব পাৰে ৷ ইয়াৰ উপৰিও কেতিয়াবা কোনো স্বাস্থ্যজনিত কাৰণতো এনেকুৱা হ’ব পাৰে ৷ গতিকে এনে সমস্যা হ’লে চিকিৎসকৰ পৰামৰ্শ লোৱাৰ পিছতহে ঔষধ সেৱন কৰাটো উচিত ৷
