কাঠবাদামক আটাইতকৈ স্বাস্থ্যকৰ বাদামৰ ভিতৰত অন্যতম বুলি গণ্য কৰা হয় ৷ ভাৰতত বহুলোকৰে ৫-৫ টা তিয়াই থোৱা কাঠবাদামেৰে দিনটোৰ আৰম্ভণি কৰাটো এটা সাধাৰণ অভ্যাসলৈ পৰিণত হৈছে ৷ চিকিৎসকেও আমাক প্ৰায়ে দৈনিক ৪-৫ টা তিয়াই থোৱা কাঠবাদাম খাবলৈ পৰামৰ্শ দিয়ে ৷ ইয়াৰ দ্বাৰা কলেষ্টেৰল হ্ৰাস, ভোক কমোৱা, ওজন কমা, ৰক্তচাপ নিয়ন্ত্ৰণ আৰু তেজত শৰ্কৰাৰ মাত্ৰা বজাই ৰখাত সহায় কৰে ৷ কিন্তু যদি আপুনি কাঠবাদাম ভুল ধৰণে খায় তেন্তে আপুনি লোকচানৰ সন্মুখীন হ’বলগীয়া হ’ব পাৰে ৷
কাঠবাদাম খোৱাৰ সময়ত এই ভুলবোৰৰ পৰা আঁতৰি থাকিব লাগে
১/ বেছি বা কমকৈ খোৱা
যদি আপুনি বেছিকৈ কাঠবাদাম সেৱন কৰে তেন্তে বদহজম, ওজন বৃদ্ধি, ভিটামিন ইৰ অতিমাত্ৰা সেৱন, বৃক্কৰ ৰোগ আদি সমস্যাৰ আশংকা বৃদ্ধি পায়, আনহাতে কম পৰিমাণে খালে তেন্তে উপযুক্ত পুষ্টি নাপাব ৷ সাধাৰণতে দৈনিক ৬ৰ পৰা ৮টা কাঠবাদাম খোৱাটো ভাল হ’ব ৷
২/ ভজা বা নিমখীয়া কাঠবাদাম খোৱা
যদি আপুনি ভাজি বা পোৰা বা নিমখীয়া কাঠবাদাম খাবলৈ ভাল পায়, তেন্তে সোৱাদৰ বাবে শেষত আপুনি উপকাৰৰ পৰিৱৰ্তে ক্ষতি কৰিব, কাৰণ এইটো কাঠবাদাম খোৱাৰ এক অতি অস্বাস্থ্যকৰ পদ্ধতি ৷ ভাজিৰ বাবে পুষ্টিৰ অভাৱ আৰু অপ্ৰয়োজনীয়ভাৱে কেলৰি বৃদ্ধি পায় ৷ লগতে বেছিকৈ নিমখীয়া খাদ্য খোৱাৰ ফলত উচ্চ ৰক্তচাপ হয়, যাৰ ফলত হৃদৰোগ হয় ৷