চিটাৰা, 9 জুলাই: বিগ বছ অ’টিটি ৩ত ঢৌ উঠা দুগৰাকী পত্নীৰ বিখ্যাত ইউটিউবাৰ আৰমান মালিকে পুনৰবাৰ বাতৰিৰ শিৰোনাম দখল কৰিছে । এইবাৰ আৰমান মালিকক বাতৰিৰ শিৰোনাম দখল কৰাৰ কাৰণটো অতি আচহুৱা ।
আচলতে গায়ক তথা সুৰকাৰ আৰমান মালিকৰ বাবেই বিগ বছ অ’টিটি ৩ৰ ঘৰত উপস্থিত থকা ইউটিউবাৰ আৰমান মালিক লাইমলাইটলৈ আহিছে । কণ্ঠশিল্পী আৰমান মালিকে ছ’চিয়েল মিডিয়াত আহি নিজৰ আপত্তি দৰ্শাইছে ।
দৰাচলতে আৰমান মালিকে শেহতীয়াকৈ বিগ বছ অ’টিটি ৩ৰ ঘৰত সহযোগী প্ৰতিযোগী বিশাল পাণ্ডেক চৰ মাৰিছিল । তেতিয়াৰ পৰাই ইউটিউবাৰ আৰমান মালিকক ছচিয়েল মিডিয়াই ঘেৰি ধৰিছে । কিন্তু সমস্যাটো হ’ল এক্স-হেণ্ডেল ব্যৱহাৰকাৰীয়ে ইউটিউবাৰ আৰমান মালিকৰ সলনি গায়ক আৰু সুৰকাৰ আৰমান মালিককহে ট্ৰ’ল কৰা দেখিবলৈ পোৱা গৈছে ।
নামৰ বাবেই হ’ল এই ডাঙৰ সমস্যা
একেধৰণৰ নাম হোৱা সমস্যা সমাধানৰ বাবে কণ্ঠশিল্পী আৰমান মালিকে নিজৰ এক্স হেণ্ডেলত এটা পোষ্ট শ্বেয়াৰ কৰি নিজৰ মতামত প্ৰকাশ কৰিছে । আৰমান মালিকে লিখিছে, মোৰ চকু এটা বিষয়ৰ ওপৰত আছে, আৰু এতিয়া লাগিছে যেন এয়া বিষয়টো হাতৰ পৰা ওলাই গৈছে, গতিকে ছ’চিয়েল মিডিয়াত আহি এই এই সমস্যাৰ সমাধান কৰিব বিচাৰিছো, ইউটিউবাৰ আৰমান মালিক, যাৰ নাম আগতে সন্দীপ আছিল, আৰু তেখেতে তেওঁৰ নাম সলনি কৰি বিগ বছ অ'টিটি ৩ লৈছে, সেয়েহে বহুতে আমাক দুয়োকে এজন বুলি গণ্য কৰিছে আৰু ইয়াৰ বাবেই মানুহে মোক টেগ কৰিছে ।
লগতে পঢ়ক:পূৰ্বে নেদেখা বিগ বছ অ’টিটি ছিজন ৩ হাউছৰ ছবি ভাইৰেল - Bigg Boss OTT 3 House
অনুৰাগীৰ আগত এই আবেদন জনাইছিল আৰমান মালিকে
কণ্ঠশিল্পী আৰমান মালিকে লগতে কয়, ‘মই স্পষ্টকৈ ক’ব বিচাৰো, তেওঁৰ সৈতে মোৰ কোনো ধৰণৰ সম্পৰ্ক নাই, কিন্তু ইউটিউবাৰ আৰমান মালিকৰ বাবে মোৰ ইমেজৰ ক্ষতি হৈছে, আৰু যিসকল মোৰ সমৰ্থক তেওঁলোকৰ দৃষ্টিত মইও বেয়া হৈছো ৷