হায়দৰাবাদ: জুনেইদ খান আৰু খুশী কাপুৰ সাজু হৈছে ৰূপালী পৰ্দাত আত্মপ্ৰকাশ কৰিবলৈ ৷ তেওঁলোকৰ ছবি লৱয়াপাৰ বিশেষ স্ক্ৰীণিং অনুষ্ঠিত হৈ যায় ৷ স্ক্ৰীণিং তাৰকাৰে ভৰা সমাহাৰ আছিল । অনুষ্ঠানটোত বলীউডৰ খান বুলি বিখ্যাত ছলমান আৰু শ্বাহৰুখ উপস্থিত হয় ৷ তেওঁলোকে আমিৰৰ সৈতে পুত্ৰ জুনেইদৰ কাষত সাহস হৈ থিয় দিয়ে ৷ তেওঁলোকৰ উপস্থিতিয়ে অনুষ্ঠানটোৰ তাৰকা শক্তি বৃদ্ধি কৰে । অৱশ্যে, দুখৰ কথাটো হ’ল যেপাপাৰাজ্জীয়ে তিনিওকে একেলগে কেমেৰাত বন্দী কৰিব নোৱাৰিলে ৷
স্ক্ৰীণিঙৰ ভিডিঅ’বোৰ সামাজিক মাধ্যমত ভাইৰেল হৈছে ৷ শ্বাহৰুখ আৰু ছলমানে জুনেইদৰ প্ৰথমখন থিয়েটাৰত মুক্তি পাবলগীয়া ছবি লৱয়াপাৰ বিশেষ প্ৰদৰ্শনত অংশ লোৱাটোৱে নেটিজেনৰ মন হৰিছে ৷ আমিৰৰ সৈতে তেওঁলোকৰ সতীৰ্থতাৰ বাবে শিৰোনাম দখল কৰিছে তিনিও খানে । ভিডিঅ’টোত শ্বাহৰুখক আমিৰ আৰু তেওঁৰ সন্তান জুনেইদ আৰু ইৰাৰ সৈতে উষ্ম আলিংগন শ্বেয়াৰ কৰা দেখা গৈছে । এই অনুষ্ঠানৰ বাবে কিং খানে ৰিপড জিন্স আৰু ক’লা চশমাৰ সৈতে যোৰ কৰি নীলা ৰঙৰ চাৰ্ট এটা পৰিধান কৰে । ছলমানেও আমিৰৰ সৈতে ফটোৰ বাবে প’জ দিয়ে । ডাবাং অভিনেতাগৰাকীয়ে সাধাৰণ ৰূপত টিল গ্ৰীণ প’ল’ টি চাৰ্টৰ সৈতে পাতল নীলা জিন্স পিন্ধা দেখা গৈছে ।