চিটাৰা ডেস্ক, 18 এপ্ৰিল :সন্দীপ ৰেড্ডীৰ ভাংগাৰ দ্বাৰা পৰিচালিত শ্বাহিদ কাপুৰ অভিনীত 'কবীৰ সিং' 2019 চনত মুক্তি লাভ কৰিছিল ৷ ছবিখনে দৰ্শকৰ পৰা বিপুল সঁহাৰি লাভ কৰিছিল । ছবিখনৰ মুখ্য চৰিত্ৰত শ্বাহিদৰ লগতে কিয়াৰা আদৱানীয়ে অভিনয় কৰিছিল ।
একে সময়তে, অভিনেতা আদিল হুছেইনৰো এই ছবিখনত এক বিশেষ ভূমিকা আছিল । অৱশ্যে বহুলোকে কবীৰ সিং ছবিখনক প্ৰশংসা কৰিছিল, আনহাতে বহুতে ছবিখনক সম্পূৰ্ণৰূপে প্ৰত্যাখ্যান কৰিছিল । বৰ্তমান সময়তো বহুলোকে ছবিখনক সমালোচনা কৰি আৰু শ্বাহিদ কাপুৰৰ চৰিত্ৰ কবীৰ সিঙক 'টক্সিক' বুলি কয় ।
ইয়াৰ মাজতে শেহতীয়াকৈ আদিল হুছেইনে এই ছবিখন সন্দৰ্ভত মন্তব্য প্ৰকাশ কৰি কৈছিল যে, তেওঁ এই ছবিখনত অভিনয় কৰি এতিয়া অনুতপ্ত হৈ আছে । এক সাক্ষাৎকাৰত আদিল হুছেইনে কয় যে, যেতিয়া তেওঁ এই চৰিত্ৰটোৰ বাবে সন্মতি প্ৰদান কৰিছিল তেওঁ নাজানিছিল যে কবীৰ সিং ছবিখনৰ বিষয় কি আছিল ৷
"এইখন মোৰ জীৱনৰ একমাত্ৰ চলচ্চিত্ৰ যাক মই চিত্ৰনাট্য নপঢ়াকৈ হয় বুলি কৈছিলো । মই ছবিখন চাবলৈ থিয়েটাৰলৈ যাওঁতে ২০ মিনিট চায়েই বাহিৰলৈ ওলাই আহিছিলো ৷" আদিল হুছেইনে ছবিখনক এণ্টি ৱ’মেন চলচ্চিত্ৰ বুলি অভিহিত কৰে ৷ লগতে কয় যে, তেওঁৰ পত্নীয়েও এই ছবিখন একেবাৰে ভাল পোৱা নাছিল ।
আদিল হুছেইনে কবীৰ সিঙক সমালোচনা কৰাৰ পিচত পৰিচালক সন্দীপ ৰেড্ডী ভাংগাই আদিল হুছেইনক প্ৰত্যুত্তৰ দি কয় যে শ্বাহিদ কাপুৰ আৰু কিয়াৰা আদৱানী অভিনীত ছবিখনত মহাবিদ্যালয়ত পঢ়ি থকা দুগৰাকী যুৱক-যুৱতীক দেখুওৱা হৈছে ৷
তেওঁ কয় যে আদিলৰ "২০ খন কলাত্মক চলচ্চিত্ৰ" ই তেওঁক ইমান খ্যাতি দিয়া নাছিল যিমান তেওঁক এইখন ব্লকবাষ্টাৰ ছবিয়ে দিছে ৷ তেওঁ ব্যংগ সুৰত কয় যে তেওঁ AI ব্যৱহাৰ কৰি ছবিখনত আদিল হুছেইনৰ মুখখন সলনি কৰি দিব ।
লগতে পঢ়ক:101 মিনিটত অভিলেখ ভংগ কৰিলে পুষ্পা 2 দ্য ৰুলৰ টীজাৰে - Pushpa 2 The Rule Teaser
