চিটাৰা ডেস্ক, 10 অক্টোবৰ : সমগ্ৰ দেশকে দুখৰ সাগৰত পেলাই ৰতন টাটাই কালি নিশা বিদায় মাগে । তেওঁৰ মৃত্যুত গোটেই দেশ শোকস্তব্ধ হৈ পৰিছে । ব্যৱসায়ৰ পৰা ৰাজনীতিলৈকে, ক্ৰীড়াৰ পৰা মনোৰঞ্জনলৈকে, সকলো ক্ষেত্ৰৰে চেলেব্ৰিটীয়ে ৰতন টাটাৰ প্ৰস্থানত শোক প্ৰকাশ কৰিছে । ৰতন টাটাই তেওঁৰ উদাৰতাৰ বাবে সকলো ঠাইতে আদৰ পাইছিল । ৰতন টাটাই হাত দিয়া প্ৰতিটো ব্যৱসায়ে আকাশ স্পৰ্শ কৰিছিল । সফলতাৰ মাজতে ৰতন টাটাই এবাৰ চলচ্চিত্ৰৰ ক্ষেত্ৰতো নিজৰ ভাগ্য পৰীক্ষা কৰিছিল । ৰতন টাটাই 20 বছৰ আগতে বলীউডৰ এখন চলচ্চিত্ৰ নিৰ্মাণ কৰিছিল, যিখন সাংঘাতিক ধৰণে ফ্লপ হৈছিল ৷
ৰতন টাটাই 2004 চনত 'এটবাৰ' চলচ্চিত্ৰখন প্ৰযোজনা কৰিছিল । ছবিখনত মুখ্য চৰিত্ৰত আছিল অমিতাভ বচ্চন, জন আব্ৰাহাম আৰু বিপাশা বসু । এটবাৰ পৰিচালনা কৰিছিল বিক্ৰম ভাটে । এটবাৰৰ কাহিনীটো মানসিক ৰোগত আক্ৰান্ত এজন প্ৰেমিকৰ বিষয়ে যিয়ে প্ৰতিটো পৰিস্থিতিত তেওঁৰ প্ৰেমিকাক পাবলৈ বিচাৰে । চলচ্চিত্ৰখনত, জন আৰু বিপাশাই প্ৰেমিক আৰু প্ৰেমিকাৰ চৰিত্ৰত অভিনয় কৰে । আনহাতে, অমিতাভ বচ্চনে বিপাশাৰ দেউতাকৰ চৰিত্ৰত অভিনয় কৰিছল, যিয়ে তেওঁৰ জীয়েকক এই মানসিক ৰোগত আক্ৰান্ত প্ৰেমিকৰ পৰা বচাব বিচাৰে । 2004 চনৰ 23 জানুৱাৰীত মুক্তি দিয়া হৈছিল ছবিখন ।