চিটাৰা ডেস্ক, 10 অক্টোবৰ :86 বছৰীয়া ৰতন টাটাৰ মৃত্যুত শোকত ম্ৰিয়মান সমগ্ৰ দেশবাসী ৷ ৰতন টাটাৰ মৃত্যুৱে এক অপূৰণীয় ক্ষতি কৰি থৈ গ'ল দেশৰ ৷ সকলোৱেই তেওঁৰ মৃত্যুত শোক প্ৰকাশ কৰিছে । ৰাজনীতি, ব্যৱসায়, ক্ৰীড়া, মনোৰঞ্জন আদি সকলো ক্ষেত্ৰৰ লগতে আৰু বিদেশী চেলেব্ৰিটীসকলেও ৰতন টাটাৰ মৃত্যুত শোক প্ৰকাশ কৰিছে ।
ইয়াৰ মাজতে এগৰাকী অভিনেত্ৰীয়ে ৰতন টাটাৰ মৃত্যুত শোক প্ৰকাশ কৰিছে, যি গৰাকীক ৰতন টাটাই এসময়ত বিয়া পাতিব বিচাৰিছিল । অভিনেত্ৰী ছিমি গাৰেৱালে ৰতন টাটাৰ মৃত্যুত শোক প্ৰকাশ কৰিছে আৰু তেওঁক তেওঁৰ বিশেষ বন্ধু বুলি অভিহিত কৰিছে । ৰতন টাটালৈ শ্ৰদ্ধাঞ্জলি জনাই ছিমিয়ে তেওঁৰ নামত এটা এক্স পোষ্ট শ্বেয়াৰ কৰিছে ।
ছিমিয়ে তেওঁৰ বিখ্যাত চেট শ্ব’ Rendezvous with Simi Garewalৰ পৰা ৰতন টাটাৰ সৈতে এখন ফটো শ্বেয়াৰ কৰিছে । এই ছবিখনত, ছিমিক বগা কোটত আৰু ৰতন টাটাক ক’লা চুটত দেখা গৈছে । ৰতন টাটাৰ মৃত্যুত শোক প্ৰকাশ কৰি ছিমি গাৰেৱাল লিখিছে, “আপুনি গুচি গ’ল, কিন্তু আপোনাৰ প্ৰস্থানৰ পিছত হোৱা শূণ্যতা কোনেও পূৰাব নোৱাৰে, কেতিয়াও, বিদায় মোৰ বন্ধুক ।”
ৰতন টাটাই ছিমি গাৰেৱালক বিয়া কৰাব বিচাৰিছিল