চিটাৰা ডেস্ক, ১ মাৰ্চ:মনোৰঞ্জন জগতৰ পৰা ধাৰাবাহিকভাৱে আহিছে চেলিব্ৰিটিৰ মৃত্যুৰ খবৰ । শেহতীয়াকৈ প্ৰবীণ গজল সম্ৰাট পংকজ উধাছৰ দেহাৱসান ঘটে । এই দুখ মাৰ নৌযাওঁতেই এতিয়া আহিছে আন এক দুখৰ খবৰ ।
দৰাচলতে ‘ঝান্সী কি ৰাণী’কে ধৰি বহু টিভি ধাৰাবাহিকৰ চিত্ৰনাট্য লিখা বিখ্যাত লেখক মেৰাজ জাইদীৰ মৃত্যু হৈছে । প্ৰয়াগৰাজৰ দণ্ডুপুৰত থকা নিজা বাসগৃহত শেষ নিশ্বাস ত্যাগ কৰে লেখকগৰাকীয়ে । মৃত্যুৰ সময়ত তেখেতৰ বয়স আছিল ৭৬ বছৰ ৷ মেৰাজ জাইদীয়ে মৃত্যুৰ সময়ত তিনি পুত্ৰ আৰু দুগৰাকী কন্যা সন্তানক এৰি থৈ যায় । জানিব পৰা মতে যোৱা কেইদিনমানৰ পৰা অসুস্থ হৈ আছিল ।
উল্লেখ্য যে, লেখক হোৱাৰ উপৰিও মেৰাজ জাইদী এজন অভিনেতাও আছিল ৷ মেৰাজে ঝান্সী কি ৰাণী, বীৰ শিৱাজী, শোভা সোমনাথ কি, আপকি অন্তৰা, ৰাজা কা বাজা আদি বহু হিট টিভি ধাৰাবাহিকত চিত্ৰনাট্য আৰু সংলাপ লিখিছিল ।
জাইদী কেৱল এজন প্ৰতিভাৱান লেখকেই নাছিল, দেশৰ এজন অতি বিখ্যাত নাট্য পৰিচালক, গীতিকাৰ আনকি অভিনেতাও আছিল । হলিউডৰ ছবি ‘গংগৌৰ ২’কে ধৰি বহু ধাৰাবাহিক আৰু ছবিতো তেওঁ অভিনয়ৰ দক্ষতা দেখুৱাইছিল । তেওঁ হাবিব তনবীৰৰ সৈতে বহু শ্ব’ কৰিছিল য’ত আগ্ৰা বজাৰ, মৃতক বিহাৰী লাল হাজিৰ হো, চহৰ মে কাৰ্ফিউ, ৰামচৰণ চোৰ আদি বহু শ্ব’ যথেষ্ট জনপ্ৰিয় হৈছিল ।
জাইদীৰ শিষ্য শৰদ কুমাৰে তেওঁৰ মৃত্যুত শোক প্ৰকাশ কৰিছে
মেৰাজ জাইদীৰ শিষ্য তথা কেৰুত কৰ্মৰত সহকাৰী সাহিত্যিক হিচাপে কৰ্মৰত লোক সংস্কৃতি উন্নয়ন প্ৰতিষ্ঠান প্ৰয়াগৰাজৰ পৰিচালক শৰদ কুমাৰে প্ৰয়াত সাহিত্যিকগৰাকীৰ মৃত্যুত শোক প্ৰকাশ কৰিছে । ইমান নিৰ্ভীক জীৱন আৰু ইমান ঢৌৰে ভৰা শব্দৰ সাগৰখনে ইমান মনে মনে বিদায় ল’ব বুলি তেওঁ কেতিয়াও ভবা নাছিল বুলি কয় । তেওঁৰ যাত্ৰাৰ সংগীয়ে তেওঁক চিৰদিনৰ বাবে এৰি থৈ গ’ল ।
লগতে পঢ়ক:ফেমিনা মিছ ইণ্ডিয়া ত্ৰিপুৰা ৰিংকি চাকমাৰ দেহাৱসান
