স্বামী সিদ্ধাৰ্থৰ ছবি যোদ্ধা চোৱাৰ পিচত কিয়াৰা আদৱানীয়ে প্ৰকাশ কৰিলে প্ৰতিক্ৰিয়া

Kiara Advani Reviews Yodha Movie: আজি ছবিগৃহত মুক্তি পালে সিদ্ধাৰ্থ মালহোত্ৰাৰ ছবি যোদ্ধা । ছবিখন চোৱাৰ পিচত অভিনেতাগৰাকীৰ পত্নী কিয়াৰা আদৱানীয়ে ছবিখনক লৈ মন্তব্য প্ৰকাশ কৰিছে ।

চিটাৰা ডেস্ক, ১৫ মাৰ্চ:যোৱা কেইদিনমানৰ পৰা বলীউডৰ অভিনেতা সিদ্ধাৰ্থ মালহোত্ৰাই তেওঁৰ ছবি ‘যোদ্ধা’ক লৈ বাতৰিৰ শিৰোনাম দখল কৰিছে । এমাহ ধৰি ছবিখনৰ ধাৰাবাহিক প্ৰচাৰৰ অন্তত আজি ডাঙৰ পৰ্দাত মুক্তি পালে ‘যোদ্ধা’ । ‘যোদ্ধা’ ছবিখন মুক্তি পোৱাৰ পিচত মানুহে ৰিভিউ দিবলৈ আৰম্ভ কৰিছে । ইফালে অভিনেতাগৰাকীৰ পত্নী কিয়াৰা আদৱানীয়েও সিদ্ধাৰ্থ মালহোত্ৰাৰ ছবি ‘যোদ্ধা’ৰ ৰিভিউ আগবঢ়াইছে । এই ছবিখন চোৱাৰ পিচত কিয়াৰাই কি ক’লে জানো আহক ৷

‘যোদ্ধা’ক লৈ কি ক’লে কিয়াৰাই ?

‘যোদ্ধা’ চিনেমাখন চোৱাৰ পাচতে ইনষ্টাগ্ৰামত নিজৰ ৰিভিউ শ্বেয়াৰ কৰিছে কিয়াৰাই । আজি ১২ বজাত অভিনেত্ৰীগৰাকীয়ে নিজৰ ইনষ্টাগ্ৰামত এটা ষ্ট’ৰী শ্বেয়াৰ কৰিছে । ছবিখনৰ দৃশ্যৰ এখন ফটো শ্বেয়াৰ কৰিছে কিয়াৰাই । এই ফটোখনত ছবিৰ অভিনেতাসকলক টেগ কৰি প্ৰশংসা কৰিছে ।

প্ৰথমতে কিয়াৰাই স্বামীৰ বাবে লিখিছে, ‘‘অসাধাৰণ সিদ্ধাৰ্থ, আপুনি আমাক সকলোকে গৌৰৱ অনুভৱ কৰাইছে ।’’ অভিনেত্ৰীগৰাকীয়ে এই ছবিখনৰ বাবে চলচ্চিত্ৰ পৰিচালক প্ৰকাশ ঝাকো অভিনন্দন জনায় । আনহাতে অভিনেত্ৰীগৰাকীয়ে দিশা পাটানি আৰু ৰাশী খান্নাৰ বলিষ্ঠ অভিনয় চাবলৈও দৰ্শকক আহ্বান জনাইছে ।

সৈনিকৰ চৰিত্ৰত দেখা যাব সিদ্ধাৰ্থ মালহোত্ৰাক

জি ছবিগৃহত মুক্তি পালে সিদ্ধাৰ্থ মালহোত্ৰাৰ ছবি যোদ্ধা

আচলতে ছবিখন মুক্তি পোৱাৰ আগতেই তাৰকা আৰু তেওঁলোকৰ পৰিয়ালৰ বাবে বিশেষ প্ৰদৰ্শনীৰ আয়োজন কৰা হৈছিল । এই বিশেষ প্ৰদৰ্শনৰ সময়ত ছবিৰ দলৰ লগতে অভিনেতাসকলো পৰিয়ালসহ আহি উপস্থিত হয় । কিয়াৰাও ছবিৰ প্ৰদৰ্শনৰ সময়ত তাত উপস্থিত হৈ ছবিখন উপভোগ কৰিছিল ৷ ইয়াৰ পিচত তেওঁ প্ৰতিক্ৰিয়া প্ৰকাশ কৰে ।

এই ছবিখনত মুখ্য চৰিত্ৰত দেখা গৈছে সিদ্ধাৰ্থ মালহোত্ৰা, ৰাশী খান্না আৰু দিশা পাটানীক । ছবিখনত সৈনিকৰ চৰিত্ৰত অভিনয় কৰি সিদ্ধাৰ্থ মালহোত্ৰাই । ইয়াৰ পূৰ্বেও অভিনেতাগৰাকীক এনে চৰিত্ৰত দেখা গৈছে । ছবিখন পৰিচালনা কৰিছে সাগৰ আম্বে আৰু পুষ্কৰ ওঝাই ।

লগতে পঢ়ক:চয়তানে ভংগ কৰিছে খোদ অজয় দেৱগনৰ পূৰ্বৰ বহু ছবিৰ অভিলেখ