চিটাৰা ডেস্ক, 9 আগষ্ট : 2024 চনত পেৰিছত অনুষ্ঠিত গ্ৰীষ্মকালীন অলিম্পিকত ভাৰতৰ পুৰুষ হকী দলে ব্ৰঞ্জৰ পদক লাভ কৰাৰ লগে লগে বলীউডৰ চেলেব্ৰিটীসকলে অভিনন্দন জ্ঞাপন কৰে । কৰীণা কাপুৰ খান, দীপিকা পাডুকন, ৰণবীৰ সিং, সিদ্ধাৰ্থ মালহোত্ৰা, সামান্থা ৰুথ প্ৰভুকে ধৰি বহু চেলেব্ৰিটীয়ে দলটোৰ প্ৰদৰ্শনক প্ৰশংসা কৰি ছ’চিয়েল মিডিয়াত এই ঐতিহাসিক সাফল্যক উদযাপন কৰে ।
তাৰকাৰ ইনষ্টাগ্ৰাম ষ্ট’ৰী (Instagram story) দীপিকাই নিজৰ ইনষ্টাগ্ৰাম একাউণ্টত ভাৰতীয় পুৰুষ হকী দলৰ এখন ফটো পোষ্ট কৰে । ফটোখনত দেখা গৈছে যে চলি থকা প্ৰতিযোগিতাখনত ব্ৰঞ্জৰ পদক লাভ কৰি খেলপথাৰত খেলুৱৈসকলে উদযাপন কৰে । কৰীণা কাপুৰ খানে নিজৰ ইনষ্টাগ্ৰাম ষ্ট’ৰীত দলটোক তেওঁলোকৰ প্ৰদৰ্শনৰ বাবে প্ৰশংসা কৰে । "এবছলিউটলি ব্রিলিয়েন্ট" বুলি লিখে তেওঁ পোষ্টটোত ৷ শিল্পা শ্বেট্টীয়েও নিজৰ ইনষ্টাগ্ৰাম ষ্ট’ৰীত অভিনন্দন বাৰ্তা শ্বেয়াৰ কৰি দলটোৰ এই কৃতিত্বৰ বাবে গৌৰৱ প্ৰকাশ কৰে ।
তাৰকাৰ ইনষ্টাগ্ৰাম ষ্ট’ৰী (Instagram story) লগতে পঢ়ক :বিনেশ ফোগাটক সান্ত্বনা সাংসদ কংগনাৰ : নয়নতৰাই ক’লে আপুনি… - Kangana Nayanthara Paris Olympics
ৰণবীৰ সিঙে নিজৰ ইনষ্টাগ্ৰাম হেণ্ডেলত দুটা ষ্ট’ৰী শ্বেয়াৰ কৰে । এটা পোষ্টত তেওঁ লিখিছে: "কাম অন বেক টু বেক ।" আনটো ষ্ট’ৰী শ্ৰীজেশৰ নামত উৎসৰ্গা কৰে, যিয়ে নিজৰ উৎকৃষ্ট প্ৰদৰ্শনেৰে সকলোৰে হৃদয় জিনে । তেওঁক প্ৰশংসা কৰি সিঙে লিখিছে, "অল হেইল ৷ থেংক ইউ ফৰ এভৰিথিং চেম্প ৷" ছিম্বা অভিনেতাগৰাকীয়ে তেওঁক ‘‘THE GREAT WALL OF INDIAN HOCKEY’’ বুলি অভিহিত কৰে ।
তাৰকাৰ ইনষ্টাগ্ৰাম ষ্ট’ৰী (Instagram story) তাৰকাৰ ইনষ্টাগ্ৰাম ষ্ট’ৰী (Instagram story) সিদ্ধাৰ্থ মালহোত্ৰাইও ভাৰতীয় পুৰুষ হকী দলটোক সামাজিক মাধ্যমত অভিনন্দন জনায় । দলটোৰ এখন ফটোৰ লগত তেওঁ লিখিছে, "কি মেচ । প্ৰাপ্য জয়ৰ বাবে অভিনন্দন ।" মালহোত্ৰাইয়ো পি আৰ শ্ৰীজেশক প্ৰশংসা কৰে । ইনষ্টাগ্ৰামত সামান্থাই এখন ফটো শ্বেয়াৰ কৰি জয় উদযাপন কৰি লিখিছে, ‘‘দিনটোৰ ফটো’’ । অভিনেতা বিকী কৌশলে লিখিছে, "বয়জ ৰিপিটিং এপিকনেছ ।"
তাৰকাৰ ইনষ্টাগ্ৰাম ষ্ট’ৰী (Instagram story) তাৰকাৰ ইনষ্টাগ্ৰাম ষ্ট’ৰী (Instagram story) ইভছ ডু মেনোয়াৰ ষ্টেডিয়ামত অধিনায়ক হৰমনপ্ৰীত সিং আৰু পি আৰ শ্ৰীজেশৰ উল্লেখনীয় প্ৰদৰ্শনৰ ফলত ভাৰতে পেৰিছ অলিম্পিকত স্পেইনক 2-1 গলত পৰাস্ত কৰি ব্ৰঞ্জৰ পদক দখল কৰে । প্ৰথম কোৱাৰ্টাৰৰ পিচত 0-1 গলত পিছ পৰি থকাৰ পাচত পেৰিছ অলিম্পিকৰ ৰোমাঞ্চকৰ পৰিৱেশৰ মাজতে ভাৰতীয় দলটোৱে নিজৰ সংগ্ৰহত চতুৰ্থটো পদক সংযোজন কৰে ।
তাৰকাৰ ইনষ্টাগ্ৰাম ষ্ট’ৰী (Instagram story) তাৰকাৰ ইনষ্টাগ্ৰাম ষ্ট’ৰী (Instagram story) লগতে পঢ়ক :অযোগ্য বিবেচিত হোৱাৰ পিচত মল্লযুঁজৰ পৰা অৱসৰ ঘোষণা বিনেশৰ: ছ’চিয়েল মিডিয়া কঁপাইছে বলীউড তাৰকাই - Celebs on Vinesh Phogat retirement
