উক্ত নাটখনত উজনি অসমৰ ৭ খন জিলাৰ দক্ষ ভাৱৰীয়াৰ লগতে প্ৰতিষ্ঠিত ৩০ জন বায়ন আৰু ৩০ জন গায়নে অংশগ্ৰহণ কৰিব । টিংখাঙত এক সংবাদমেল অনুষ্ঠিত কৰি এই কথা ঘোষণা কৰে ভাওনা কৃষ্টিৰ সৈতে জড়িত শিল্পীসকলে ।
গণশিল্পী ৰাজীৱ শদিয়াৰ ভাওনা সংস্কৃতিৰ প্ৰতি আছিল বিশেষ আগ্ৰহ :
উল্লেখ্য যে, সদ্যপ্ৰয়াত ৰাজীৱ শদিয়াৰ ভাওনা সংস্কৃতিৰ প্ৰতি আছিল বিশেষ আকৰ্ষণ । শিল্পীগৰাকীয়ে নিজৰ বাসগৃহত এভাগি ভাওনা প্ৰদৰ্শনৰ বাবেও ইচ্ছা প্ৰকাশ কৰিছিল । প্ৰয়াত ৰাজীৱ শদিয়াৰ পৰিয়ালৰ সূত্ৰে এই কথা অৱগত হোৱাৰ পাছত গণশিল্পীগৰাকীৰ শেষ ইচ্ছাৰ প্ৰতি সন্মান জনাই এই পদক্ষেপ গ্ৰহণ কৰিছে শিল্পীসকলে ।
এইক্ষেত্ৰত তেওঁলোকে সমূহ অসমবাসীৰ সহায়-সহযোগিতা তথা দিহা পৰামৰ্শ কামনা কৰিছে । এই সমগ্ৰ অনুষ্ঠানটোৰ ব্যৱস্থাপনাৰ দায়িত্ব গ্ৰহণ কৰিছে টিংখাঙৰ যোগেশ শইকীয়া, আমগুৰিৰ উৎপল খনিকৰ আৰু জ্যোতিপ্ৰতিম খনিকৰে ।
