চিটাৰা ডেস্ক, 8 জুলাই :অনন্যা পাণ্ডে আজি কিমান সুখী সেয়া অনন্যাৰ ইনষ্টাগ্ৰাম ষ্ট’ৰী চাইয়ে অনুমান কৰিব পাৰি ৷ অনন্যাৰ ভগ্নী আলান্না পাণ্ডেৰ জীৱনলৈ আহিল এটি কণমানি ল’ৰা সন্তান ৷ সেই খবৰ পাইয়ে গাত তৎ নাইকিয়া হৈ পৰিছে অনন্যা পাণ্ডেৰ ৷ আলান্না আৰু তেওঁৰ স্বামী আইভৰে এটি পুত্ৰ সন্তানক জীৱনলৈ আদৰণি জনাইছে, যিটো খবৰ আজি ছ’চিয়েল মিডিয়া হেণ্ডেলত শ্বেয়াৰ কৰা হয় ।
অনন্যা পাণ্ডেৰ ইনষ্টাগ্ৰাম ষ্ট’ৰী (Ananya Panday instagram story) বলীউড অভিনেত্ৰী অনন্যা পাণ্ডেৰ সম্বন্ধীয় ভগ্নী তথা ছ’চিয়েল মিডিয়া ইনফ্লুয়েঞ্চাৰলী আলান্না পাণ্ডেৰ জন্ম হয় এটি সন্তান । সোমবাৰে ইনষ্টাগ্ৰামত আলান্না আৰু তেওঁৰ সংগী আইভৰ মেকক্ৰেই ভিডিঅ’ৰ জৰিয়তে পুত্ৰ জন্ম হোৱাৰ কথা ঘোষণা কৰে । অনন্যাই তেওঁৰ ষ্ট’ৰীত এই ভিডিঅ’টো শ্বেয়াৰ কৰি মৰমলগা কেপশ্যনৰ সৈতে ভতিজাকক মধুৰভাৱে আদৰণি জনাইছে ।
লগতে পঢ়ক :সম্পৰ্কত থকা সময়ৰ তিক্ত অভিজ্ঞতাই আজিও সম্পৰ্কৰ পৰা আঁতৰাই ৰাখিছে মণীষাক - Manisha Koirala about Relationships
ভিডিঅ’টো শ্বেয়াৰ কৰি দম্পতীটোৱে লিখিছে, “আমাৰ সৰু দেৱদূত ইয়াতেই আছে ।” আইভৰ আহি কেমেৰাৰ সন্মুখত থকা বিচনা এখনত বহাৰ পৰা এই ভিডিঅ’টো আৰম্ভ হয় ৷ আইভৰে আলান্নাক নিজৰ কাষত বহিবলৈ বিচনালৈ মাতে ৷ আলান্নাই কোলাত সন্তানটি লৈ আহি তেওঁৰ কাষতে বহে আৰু দুয়োৱে আলান্নাৰ কোলাত থকা সন্তানটিলৈ একেলগে দৃষ্টি নিক্ষেপ কৰে ৷ অৱশেষত স্বামী-স্ত্ৰীৰ মৰমৰ চুমাৰে ভিডিঅ’টোৰ অন্ত পৰে ৷
গোটেই পৰিয়ালটোৱে একেলগে নীলা ৰঙৰ সাজ পৰিধান কৰে । আলান্নাই পাতল নীলা ৰঙৰ এটা মিনি ড্ৰেছ বাছি লয়, আনহাতে আইভৰে জিন্স আৰু পাউদাৰ ব্লু ৰঙৰ টি-চাৰ্ট বাছি লৈছিল । সন্তানটিকো তেওঁলোতে নীলা ৰঙৰ সাজ পিন্ধোৱাই দিয়ে ৷ ভিডিঅ’টো দেখি অনন্যাই নিজকে এই ভিডিঅ’টো শ্বেয়াৰ কৰাৰ পৰা ৰখাব নোৱাৰিলে ৷ অনন্যাই ভিডিঅ’টো শ্বেয়াৰ কৰি কেপশ্যন দিছে, “মাই বিউটিফুল বেবী বয় নেফিউ ইজ হিয়েৰ ।”
আলান্না পাণ্ডে হৈছে সামাজিক মাধ্যমৰ এগৰাকী প্ৰভাৱশালী ব্যক্তি, যিয়ে 1.6 নিযুত ইনষ্টাগ্ৰাম অনুসৰণকাৰীৰ উপস্থিতি উপভোগ কৰে । তেওঁৰ বেবী শ্বাৱাৰ আৰু অন্যান্য প্ৰসূতিৰ ফটো শ্বুটে সামাজিক মাধ্যমত যথেষ্ট মনোযোগ আকৰ্ষণ কৰিছিল । তেওঁ শীঘ্ৰেই প্ৰাইম ভিডিঅ' ইণ্ডিয়াৰ এক ৰিয়েলিটী শ্ব' দ্য ট্ৰাইবত অভিনয় কৰিব যি ভাৰতৰ বিশিষ্ট ছ'চিয়েল মিডিয়া প্ৰভাৱশালীসকলৰ জীৱনৰ ওপৰত আলোকপাত কৰে । কৰণ জোহৰৰ নেতৃত্বত ধৰ্মাটিক এণ্টাৰটেইনমেণ্টে এই প্ৰকল্পটো সমৰ্থন কৰিছে ।
লগতে পঢ়ক :বেঙুনীয়া শাৰীত বেবী বাম্প প্ৰদৰ্শন দীপিকা পাডুকনৰ; ৰণবীৰে ক’লে-‘মোৰ জন্মদিনৰ ধুনীয়া উপহাৰ’ - Deepika Padukone
