এগৰাকী অতি বিশিষ্ট সৈনানী বব খাটিঙক তদানীন্তন ব্ৰিটিছ সাম্ৰাজ্যই 'মিলিটাৰী ক্ৰছ' (Military Cross) সন্মান প্ৰদান কৰিছিল । আনহাতে, ব্ৰিটেইনৰ ৰাণীয়ে 'অৰ্ডাৰ অব দ্য ব্ৰিটিছ এম্পায়াৰ'ৰ (Order of the British Empire) সদস্য হিচাপেও সন্মানিত কৰিছিল ।
উল্লেখ্য যে প্ৰতিৰক্ষা মন্ত্ৰী ৰাজনাথ সিং বুধবাৰে টাৱাঙত উপস্থিত হোৱাৰ কথা আছিল যদিও প্ৰতিকূল বতৰৰ বাবে তেওঁ তেজপুৰতে বাহৰ পাতিবলগা হয় । বৃহস্পতিবাৰে পুৱা তেওঁ টাৱাঙত উপস্থিত হোৱাৰ সম্ভাৱনা আছে ।
আনহাতে, এই সংগ্ৰহালয়টোৰ উদ্বোধনী অনুষ্ঠানত মেজৰ বব খাটিঙৰ পুত্ৰ জন খাটিং আৰু পৰিয়ালৰ আন সদস্যসকল উপস্থিত থাকিব । ইতিমধ্যে তেওঁলোক টাৱাঙত উপস্থিত হৈছে । ইয়াৰ উপৰি মণিপুৰৰ মুখ্যমন্ত্ৰী এন বীৰেণ সিঙো অনুষ্ঠানটোত উপস্থিত থাকিব ।
