নিউজ ডেস্ক, 2 ফেব্ৰুৱাৰী:নিৰ্বাচনী আচৰণ বিধি উলংঘাৰ গোচৰটো উত্তৰ প্ৰদেশৰ বিজেপিৰ সাংসদ ৰীতা বহুগুণা যোশীৰ বাবে প্ৰত্যাহ্বান বুলি প্ৰমাণিত হৈছে । লক্ষ্ণৌৰ সাংসদ-বিধায়ক আদালতে শুকুৰবাৰে লক্ষ্ণৌ কেণ্ট বিধানসভাৰ প্ৰাক্তন বিধায়িকা তথা প্ৰয়াগৰাজৰ বৰ্তমানৰ বিজেপি সাংসদ ৰীতা বহুগুণা যোশীক ৬ মাহৰ কাৰাদণ্ডৰ ৰায় প্ৰদান কৰে । ইয়াৰ উপৰি তেওঁক আদালতে ১১০০ টকা জৰিমনাও আৰোপ কৰে ।
বিচাৰ বিভাগৰ হৈ আদালতক জনোৱা হৈছে যে ২০১২ চনৰ ১৭ ফেব্ৰুৱাৰীত সন্ধিয়া প্ৰায় ৬.৫০ বজাত লক্ষ্ণৌ বিধানসভাৰ কেণ্ট সমষ্টিৰ প্ৰাৰ্থী হিচাপে ৰীতা বহুগুণা যোশীয়ে ২০২০ চনত কৃষ্ণ নগৰৰ বজৰং নগৰ অঞ্চলত প্ৰচাৰ চলাইছিল ৷ নিৰ্ধাৰিত সময় পাৰ হৈ যোৱাৰ পিছতো তেওঁ ৰাজহুৱা সভাত ভাষণ দি আছিল ।
এই সন্দৰ্ভত তথ্য লাভ কৰাৰ লগে লগে ষ্টেটিক চাৰ্ভিলেন্সৰ দণ্ডাধীশ মুকেশ চতুৰ্বেদীয়ে সেই স্থানলৈ গৈ দেখে যে বজৰং নগৰৰ ৯৫ আৰু ৯৬ নং ঘৰৰ মাজৰ পথত প্ৰায় ৫০ জন লোকৰ সৈতে ৰীতা বহুগোণা যোশীয়ে এখন বৈঠক অনুষ্ঠিত কৰি আছে । কোৱা হৈছে যে থিতাতে এটা ভিডিঅ’ বনোৱা হৈছিল আৰু তেওঁকো সভা কৰিবলৈ অনুমতি দিয়া হোৱা নাছিল ৷ তাৰ পিছত মুকেশ চতুৰ্বেদীয়ে কৃষ্ণ নগৰ থানাত প্ৰতিবেদন দাখিল কৰিছিল ।