ৰাহুল গান্ধীৰ দাড়ি-চুলি কাটি কেনে অনুভৱ মিঠুনৰ ? কি কি প্ৰশ্ন সুধিলে কংগ্ৰেছ নেতাগৰাকীয়ে ? - Who Cuts Rahul Gandhi Beard

Who Cuts Rahul Gandhi Beard: দাড়ি-চুলি কটোৱাই ৰাহুল গান্ধীৰ বিল হৈছিল 50 টকা ৷ মাত্ৰ তিনি মিনিটতে মিঠুনে লুক সলাই দিলে কংগ্ৰেছ নেতাগৰাকীৰ ৷ নাপিত মিঠুনৰ সৈতে ই টিভি ভাৰতৰ বিশেষ সাক্ষাৎকাৰ...

ৰায়বৰেলী, 17 মে’: মনোনয়ন দাখিল কৰি ৰাই বৰেলীত ৰাজহুৱা সভাত ভাষণ দিয়াৰ পিচত কংগ্ৰেছ নেতা ৰাহুল গান্ধী সোমাইছিল এখন চেলুনত । চেলুনখনত ৰাহুল গান্ধীয়ে দাড়িৰ লগতে চুল কটোৱাও দেখা গৈছিল ৷ এখন সাধাৰণ চেলুনত কংগ্ৰেছৰ ৰাষ্ট্ৰীয় নেতাগৰাকীয়ে চুলি-দাড়ি কটোৱাৰ দৃশ্য ভাইৰেল হৈ পৰিছিল ৰাতিটোৰ ভিতৰতে ৷

মাত্ৰ তিনি মিনিটতৰ ভিতৰতে ৰায়বৰেলীৰ প্ৰাৰ্থী ৰাহুল গান্ধীক নতুন লুক দিয়া মিথুনক বিচাৰি যাত্ৰা কৰিছিল ইটিভি ভাৰতৰ সাংবাদিক ৰাজেন্দ্ৰ সিং ৷ অৱশেষত সাংবাদিক ৰাজেন্দ্ৰ সিং উপস্থিত হয় ২৮ বছৰীয়া মিথুন লালগঞ্জৰ নিউ মুম্বা চেলুনত ৷

সাংবাদিকৰ সন্মুখত নাপিত মিথুনে কৈ গ’ল ৰাহুল গান্ধীৰ দাড়ি-চুলি কটাৰ অভিজ্ঞতাৰ কথা ৷ তেওঁ কয় যে ৰাহুল গান্ধী চেলুনখনলৈ সোমাই আহোতে মিথুন কিছু ভয় খাইছিল ৷ অস্থিৰ হৈ মূৰ দুপিয়াই মিথুনে কেঁচিখন উলিয়াই লৈছিল ৷ কিন্তু কংগ্ৰেছ নেতাগৰাকীয়ে নিজেই কিছু সৰু সৰু প্ৰশ্ন সুধিছিল মিথুনক ৷ তাৰ পিচতে মিথুন কিছু স্বাভাৱিক হয় ৷ ৰাহুল গান্ধীৰ প্ৰশ্নৰ উত্তৰত মিঠুনে পঞ্চম মান শ্ৰেণীলৈকে পঢ়া-শুনা কৰা বুলিও জনায় ৷

লগতে পঢ়ক:আমেঠিৰ আছিলো, আছো আৰু থাকিম: ৰাহুল গান্ধী

ৰাহুল গান্ধীক মিঠুনে জনায়, ‘‘আমি সাতগৰাকী ভাই-ভনী ৷ চাৰিজন ভাই আৰু তিনিগৰাকী ভগ্নী । মোৰ ডাঙৰ ভাইটিয়ে মুম্বাইত কাম কৰে ৷ আনহাতে বাকীসকল খেতি আৰু শিক্ষাৰ প্ৰতি আকৰ্ষিত ৷’’

উল্লেখ্য যে সাতমহীয়া কন্যা সন্তানৰ পিতৃ মিঠুনে চহৰত কাম কৰিবলগীয়া হয় ৷ মিঠুনে লগতে কয় যে মুম্বাইৰ তুলনাত ৰায়বৰেলীত আয় কম ৷ শ্ৰমিকসকলৰ বাবে সেয়া এক ডাঙৰ চিন্তাৰ বিষয় । চুলি কটাৰ ক্ষেত্ৰত ট্ৰেণ্ড আৰু ষ্টাইলৰ সন্দৰ্ভত মিঠুনে ৰাহুল গান্ধীক কয় যে বেছিভাগ মানুহেই বলীউডৰ নায়ক আৰু ক্ৰিকেটাৰৰ চুলিৰ ষ্টাইল অনুকৰণ কৰে ।

লগতে পঢ়ক:ভয় কৰিব নালাগে, পলাবও নালাগে: আমেঠি এৰি ৰায়বৰেলীলৈ যোৱা ৰাহুলক নৰেন্দ্ৰ মোদীৰ পৰামৰ্শ

আনহাতে অগ্নিবীৰ আঁচনিৰ বিষয়ে গান্ধীৰ সৈতে হোৱা কথা-বতৰাত মিঠুনে কয় যে এই আঁচনিখন মাত্ৰ চাৰি বছৰৰ বাবেহে প্ৰযোজ্য হোৱাৰ বাবে যুৱক-যুৱতীসকলৰ অধিকাংশই অসন্তুষ্ট ৷ গান্ধীয়ে আশ্বাস দিয়ে যে যদি কংগ্ৰেছ ক্ষমতালৈ আহে, তেন্তে দেশৰ বৃহৎ উন্নয়নৰ স্বাৰ্থত ইণ্ডি ব্লকে এনেধৰণৰ আঁচনি বন্ধ কৰি দিব ।

আনহাতে চুলি-দাড়ি কাটি হোৱাৰ পিচত ৰাহুল গান্ধীয়ে মিঠুনক দিবলগীয়া বিল হয় 50 টকা ৷ ইয়াৰে চুলিত 30 টকা আৰু দাড়ি কটাৰ বাবদ 20 টকা ৷ কিন্তু ৰাহুল গান্ধীয়ে স্বাক্ষৰ কৰি এখন 500 টকীয়া নোট দি থৈ যায় নাপিত মিঠুনক ৷

লগতে পঢ়ক:ৰাহুল গান্ধীৰ মতে বিজেপিয়ে সমগ্ৰ দেশত লাভ কৰিব ১৫০ তকৈ কম আসন