حیدرآباد: ایک تحقیق میں یہ بات سامنے آئی ہے کہ طویل مدت تک انٹرمیٹنٹ فاسٹنگ کرنے سے نہ صرف آپ کو وزن کم کرنے میں مدد مل سکتی ہے، بلکہ کووڈ کی وجہ سے دل سے متعلق پیچیدگیوں سے لڑنے میں بھی مدد مل سکتی ہے، یہاں تک کہ انٹرمیٹنٹ فاسٹنگ ان مریضوں کے لیے بھی فائدہ مند ہوتا ہے جو کووڈ اور دل کے مسائل سے دو چار ہیں۔
کیا ہے انٹرمیٹنٹ فاسٹنگ
انٹرمیٹنٹ فاسٹنگ کھانا کھانے کا ایک بہترین پیٹرن ہے، جس میں انسان 12 سے 16 گھنٹے تک بغیر کھانا کھائے رہتا ہے اور کھانا کھانے کا وقت صرف 6 یا 8 گھنٹے کا ہی ہوتا ہے۔ اس مضمون کے ذریعے ہم آپ کو ایک آسان انٹرمیٹنٹ فاسٹنگ ڈائیٹ پلان بتا رہے ہیں، جسے اپنا کر کوئی بھی انٹرمیٹنٹ فاسٹنگ ڈائٹ کی شروعات کر سکتا ہے۔ اس فاسٹنگ ڈائٹ پلان کے ذریعے آپ اپنا وزن بھی ضرورت کے مطابق کم کرسکتے ہیں۔
آپ فاسٹنگ میں کیا کھا سکتے ہیں۔
جب آپ روزہ رکھتے ہیں تو آپ کو 16 گھنٹے بغیر کھائے پئے رہنا ہوتا ہے۔ تاہم اس میں بغیر کسی میٹھے کے صرف سادہ پانی، کیمومائل چائے، گلاب کی چائے، ادرک کی چائے، کالی چائے وغیرہ پینے کی اجازت ہوتی ہے۔ اس کے علاوہ آپ تازہ سبزیوں کا جوس بھی پی سکتے ہیں۔ آپ کو ان 16 گھنٹوں کے دوران کسی بھی قسم کے ناشتے، سبزیاں اور پھلوں کو کھانے کی اجازت نہیں ہوتی ہے۔
انٹرمیٹنٹ فاسٹنگ کی شروعاتی گائڈ لائن کیا ہے
انٹرمیٹنٹ فاسٹنگ کی شروعاتی گائڈ لائن میں لوگوں کو مشورہ دیا جاتا ہے کہ آپ اپنے آخری کھانے سے 12 گھنٹے تک روزہ رکھنے کی نیت کریں اور اسے 14 گھنٹے تک برقرار رکھنے کی کوشش کریں۔ پھر اسے 16 گھنٹے تک لے کر جائیں۔ آپ آہستہ آہستہ اپنے فاسٹنگ کے اوقات میں مرحلہ وار بڑھائیں اور اس دوران سر درد سے بچنے کے لیے زیادہ پانی پئیں، تاکہ آپ خود کو ہائیڈریٹ رکھ سکیں۔
انٹرمیٹنٹ فاسٹنگ کتنی بار کرنی چاہئے
ایک تحقیق کے مطابق اس کو آپ 30 دن تک مسلسل کر سکتے ہیں۔ اگر آپ وزن کم کرنا چاہتے ہیں تو آپ اسے 60 دن تک کر سکتے ہیں اور جو لوگ وزن برقرار رکھنے کی کوشش کر رہے ہیں یا لمبی عمر اور بہتر صحت کے لیے کرنا چاہتے ہیں تو وہ ہفتے میں 2 دن کر سکتے ہیں۔
انٹرمیٹنٹ فاسٹنگ کے فوائد
تحقیق کے مطابق انٹرمیٹنٹ فاسٹنگ سے وزن کم کرنے میں مدد ملتی ہے اور بڑھتی عمر کی علامات میں بھی کمی آتی ہے۔ اس کے علاوہ یہ دل کی صحت، دماغی افعال کو بہتر بنانے میں مددگار ہے۔ اس کے ساتھ ساتھ یہ جسم میں سوزش کو کم کرتا ہے اور انسولین لیول کو بہتر بنانے کا کام کرتا ہے جس سے خون میں شوگر کی سطح کنٹرول میں رہتی ہے۔ یہ ذیابیطس اور صحت سے متعلق بہت سے مسائل کو روکنے میں مددگار ہے۔
انٹرمیٹنٹ فاسٹنگ وزن کم کرنے میں کیسے مددگار ہے
آپ کا جسم ہضم کے عمل میں 70-80% توانائی خرچ کرتا ہے، جس سے آپ کے جسم کو صحت مند رکھنے کے لیے صرف 20% توانائی رہ جاتی ہے۔ لہذا جب آپ روزہ رکھتے ہیں تو آپ اپنے جسم کو ٹھیک کرنے کے لیے توانائی فراہم کرتے ہیں۔ یہ سیرم انسولین کی سطح کو نیچے لاتا ہے جس کا مطلب ہے- یہ انسولین کو کم کرکے فیٹ کو کم کرنے میں مدد کرتا ہے۔
کیا انٹرمیٹنٹ فاسٹنگ کے کوئی مضر اثرات ہوتے ہیں
جب تک آپ ہائیڈریٹ رہتے ہیں اور اچھی طرح سے متوازن غذا کو اپنے خوراک میں شامل کرتے ہیں۔ تب تک آپ پر اس کا کوئی کوئی مضر اثرات نہیں ہوتا ہے۔ لہذا آپ کو یہ سمجھنا ہوگا کہ، یہ کیلوریز کو محدود کرنے کا کوئی ڈائٹ پلان نہیں ہے، بلکہ یہ کھانے کے انداز کو منظم کرنے کا ایک طریقہ ہے۔
کسی دوسرے فاسٹنگ سے انٹرمیٹنٹ فاسٹنگ کتنا مختلف ہے
انٹرمیٹنٹ فاسٹنگ کا مطلب ہے وقفے وقفے سے روزہ رکھنا یعنی رمضان کی طرح کھانے کا انداز بنانا۔ زیادہ تر فاسٹنگ میں کیلوریز محدود ہوتی ہیں لیکن انٹرمیٹنٹ فاسٹنگ میں کھانے کا وقت محدود ہوتا ہے۔ اس میں کئی چیزوں کو کھانے سے پرہیز کیا جاتا ہے، اس کے علاوہ انٹرمیٹنٹ فاسٹنگ میں کھانے کی مقدار بھی محدود ہوتی، اگرچہ کہ خوراک متوازن اور غذائیت سے بھرپور ہو۔ تاہم روزے کے اگلے ہی دن لوگ زیادہ کھاتے ہیں لیکن انٹرمیٹنٹ فاسٹنگ میں بھوک اور کریونگ کم ہوتی ہے۔
انٹرمیٹنٹ فاسٹنگ سے کب بچنا ہے
جو لوگ انسولین پر ہیں، کینسر کے مرض میں مبتلا ہیں، وزن بڑھانے سے قاصر ہیں، دودھ پلانے والی مائیں، حاملہ خواتین، بعض ادویات پر انحصار کرنے والے افراد، جن کا بلڈ پریشر کم ہے، ان کو اس سے پرہیز کرنا چاہیے۔ انٹرمیٹنٹ فاسٹنگ سے پہلے ہمیشہ اپنے ڈاکٹر سے مشورہ کریں۔ اس کے علاوہ اگر آپ غیر صحت مند ہیں تو آپ کو کسی بھی قسم کے روزے رکھنے سے گریز کرنا چاہیے۔ ایسی صورتحال میں یہ ضروری ہے کہ آپ رات کو ہمیشہ ہلکا کھانا کھائیں کیونکہ بھاری کھانا کھانے سے تھکاوٹ ہوسکتی ہے۔
مزید پڑھیں:
انٹرمیٹنٹ فاسٹنگ میں کیسے خوراک کا استعمال کرنا چاہئے
انٹرمیٹنٹ فاسٹنگ میں آپ کو پھل، سبزیاں، باجرا، جئی، براؤن رائس، دال، ہلکا چکن، انڈے، گری دار میوے، دودھ اور دودھ سے بنی اشیاء کھانے چاہئیں۔
