حیدرآباد: گوشت میں کثیر مقدار میں پروٹین پایا جاتا ہے۔ لوگوں کا ماننا ہے کہ وہ اپنے خوراک جتنا زیادہ گوشت شامل کریں گے وہ اتنا ہی زیادہ پروٹین حاصل کرسکیں گے۔ لیکن پروٹین کے لیے صرف گوشت پر انحصار کرنا آپ کی صحت کے لیے نقصان دہ ہو سکتا ہے۔ خاص طور پر جانوروں کی گوشت سے حاصل ہونے والی پروٹین ہڈیوں کو کمزور کر سکتی ہے۔ متعدد مطالعات سے پتہ چلتا ہے کہ جانوروں پر مبنی پروٹین پودوں پر مبنی پروٹین سے زیادہ ہڈیوں کو کمزور کرتی ہے۔ بہت سی تحقیق کے مطابق جو لوگ بہت زیادہ گوشت کھاتے ہیں ان کے ہڈیوں کے ٹوٹنے کے امکانات زیادہ ہوتے ہیں۔
کیا گوشت سے واقعی ہڈیاں کمزور ہوتی؟
ماہر غذائیت کے مطابق کس طرح سے گوشت یا پودوں پر مبنی پروٹین کا استعمال ہڈیوں کو متاثر کرتا ہے، "زیادہ پروٹین والی خوراک ہماری ہڈیوں کی صحت اور کیلشیم کے جذب کو متاثر کر سکتی ہے۔ پروٹین ہڈیوں کی صحت کے لیے اہم ہے، لیکن بہت زیادہ حیوانی پروٹین، خاص طور پر سرخ گوشت، آپ کی ہڈیوں کو نقصان پہنچا سکتی ہے۔
انہوں نے مزید کہا کہ جب جانوروں کے پروٹین کے استعمال کی بات آتی ہے تو کہا جاتا ہے کہ یہ ہڈیوں کی ساخت کے لیے اہم ہے۔ پروٹین ہڈیوں کی صحت کے لیے ضروری ہے لیکن اگر اس کی مقدار کا خیال نہ رکھا جائے تو اس کے منفی اثرات بھی مرتب ہوسکتے ہیں۔ کسی کو بھی اپنی پروٹین کی مقدار کے لیے صرف سرخ گوشت پر انحصار نہیں کرنا چاہیے بلکہ اپنی خوراک میں ڈیری مصنوعات، مچھلی، چکن اور پودوں پر مبنی پروٹین کے ذرائع کو بھی شامل کرنا چاہیے۔
ماہر غذائیت کا کہنا ہے کہ پروٹین کے لیے گوشت پر انحصار غلط ہے، انہوں نے کہا کہ آپ کی پروٹین والی غذا پھلوں، سبزیوں اور ثابت اناج پر منحصر ہونا چاہئے۔ ماہرین غذائیت کے مطابق گوشت میں فاسفورس اور کیلشیم کا تناسب بہت زیادہ ہوتا ہے، جو کیلشیم کے اخراج اور ہڈیوں کی معدنیات کو بڑھاتا ہے۔ حیوانی پروٹین خصوصاً سرخ گوشت کا استعمال خون میں تیزابیت کو بڑھاتا ہے جس سے ہڈیوں پر موجود کیلشیم کی تہیں ختم ہوجاتی ہیں۔
نیشنل لائبریری آف میڈیسن میں شائع ہونے والی 2014 کی ایک تحقیق میں بتایا گیا ہے کہ جب آپ کیلشیم کی صحیح مقدار استعمال کرتے ہیں تو پروٹین آپ کی ہڈیوں کی صحت پر بھی مثبت اثر ڈالتا ہے۔ اس کے ساتھ ساتھ کئی دیگر مطالعات میں بھی یہ بات سامنے آئی ہے کہ پودوں پر مبنی کھانوں میں اضافہ اور جانوروں پر مبنی کھانوں کے استعمال میں کمی دل کی بیماری، ٹائپ ٹو ذیابیطس اور کئی قسم کے کینسر جیسے امراض کے خطرے کو کم کر سکتی ہے۔
مزید پڑھیں:
خوراک میں توازن رکھنا ضروری ہوتا ہے، تاہم، پودوں پر مبنی اور جانوروں پر مبنی پروٹین دونوں میں امینو ایسڈز کی ساخت مختلف ہوتی ہے اور اس لیے انہیں ایک دوسرے سے مکمل طور پر تبدیل نہیں کیا جا سکتا، تاہم ان کے درمیان توازن قائم کیا جا سکتا ہے۔ سرخ گوشت کا زیادہ استعمال ذیابیطس، امراض قلب اور کینسر کے خطرے کو بڑھاتا ہے۔ ایسی صورت حال میں بہتر ہے کہ آپ اپنی خوراک میں کوئی بڑی تبدیلی کرنے سے پہلے ماہر صحت سے مشورہ لیں۔
