ہوڑہ اسٹیشن سے متصل مچھلی کے ایک تھوک مارکٹ سے ایک دکان کے ریفریجیریٹر سے پولس نے ایک نوجوان کی لاش برآمد کی۔
مچھلی بازار میں موجود بہار مچھلی کمپنی کے دکان کے ریفریجیریٹر سے چھوٹن راۓ کی لاش برآمد کی گئی چھوٹن راۓ اسی بازار میں کام کرتا تھا ۔
خفیہ ذرائع سے ملی اطلاع پر کارروائی کرتے ہوئے گولاباڑی تھانہ کی پولس نے بہار مچھلی کمپنی کے دکان میں موجود ریفریجیریٹر سے چھوٹن راۓ کی لاش برآمد کی۔
اس قتل کے سلسلے میں پولس نے ایک شخص کو حراست میں لیا ہے دکان کے مالک سنیل سنگھ کو پوچھ تاچھ کے لیے طلب کیا گیا ہے۔
لاش کو پوسٹ مارٹم کے لیے بھیج دیا گیا ہے۔ پولس کی ابتدائی جانچ کے مطابق چھوٹن راۓ کی بہیمانہ طور پر قتل کیا گیا ہے چھوٹن راۓ کے سر میں گہرے زخم کے نشانات پائے گئے ہیں اور بہت زیادہ خون بہنے کی وجہ سے ہی موت ہوئی ہے ۔
مزید پڑھیں : امبیڈکر کی مورتی کونقصان پہنچانے کے الزام میں چھ پر مقدمہ
مقتول چھوٹن راۓ اور حراست میں لیا گیا شخص دونوں کا تعلق بہار کے ایک ہی گاؤں سے ہے حراست میں لیے گئے شخص سے پوچھ تاچھ جاری ہے ذرائع کے مطابق اس میں مزید دو لوگ شامل ہیں پرانی دشمنی کے سبب ہی چھوٹن راۓ کا قتل کیا گیا ہے اس معاملے سے جڑے مزید دو لوگوں کی تلاش جاری ہے ۔اس واقعہ کے بعد سے ہوڑہ مچھلی بازار میں افراتفری کا ماحول ہے ۔
