مغربی بنگال کے دارالحکومت کولکاتا سمیت ریاست کے تمام اضلاع میں نہایت ہی عقیدت و احترام کے ساتھ یوم عاشورہ کا اہتمام کیا گیا۔ اس درمیان سخت سکیورٹی انتظامات بھی کئے گئے تھے۔
کولکاتا سے متصل اضلاع جنوبی 24 پرگنہ کے میٹیا برج،گارڈن ریچ، بھانگوڑ، کینگ، ہوڑہ ضلع کے ٹیکہ پاڑہ، شیب پور، میدان، گھشڑی، ہگلی ضلع کے رشڑیہ، قاضی پاڑہ، تیلنی پاڑہ، ہگلی امام باڑہ، شمالی 24 پرگنہ کے کمرہٹی، ٹیٹاگڑھ، بیرکپور، گیارولیا، جگتدل، کانکی نارہ، حاجی نگر، حالی شہر، مارواڑی کر وغیرہ مسلم اکثریتی علاقوں میں عقیدت و احترام کے ساتھ یوم عاشورہ منایا گیا۔
یہ بھی پڑھیں:عاشورہ کے موقع پرسیکیورٹی انتظامات سخت
اس کے علاوہ ندیا، مرشدآباد، مالدہ، شمالی دیناج پور، مشرقی مدنی پور اور مغربی مدنی پور جیسے مسلم اکثریتی اضلاع میں یوم عاشورہ کا اہتمام کیا گیا۔
ریاست کے تمام اضلاع میں یوم عاشورہ کے موقع پر مغربی بنگال حکومت کی جانب سے جاری کورونا گائیڈ لائن پر عمل کیا گیا۔
