مغربی بنگال کے مرشدآباد ضلع کے شمشیر گنج سے ترنمول کانگریس کے رکن اسمبلی امرالاسلام نے ایک تقریب کو خطاب کرتے ہوئے وزیراعلیٰ ممتا بنرجی کے ترقیاتی منصوبوں کو عوام تک پہنچانے کی بات کہی۔ Amrul Islam on Development Projects
رکن اسمبلی امرالاسلام نے کہا کہ 'ان کا ترقیاتی منصوبوں کو گھر گھر پہنچانے کا ہدف ہے اور اس میں کچھ حد تک کامیابی ملی ہے۔مغربی بنگال میں ہوئے تمام انتخابات میں ممتابنرجی کی قیادت والی حکمراں جماعت ترنمول کانگریس کو کامیابی ملی ہے اس کی وجہ ترقیاتی منصوبے ہیں۔
انہوں نے کہا کہ گزشتہ چند مہینوں کے دوران مغربی بنگال کی حکومت نے ترقیاتی منصوبوں کو گھر گھر تک پہنچانے کا کام کیا ہے۔ حکومت کو اس میں بڑی کامیابی بھی ملی ہے۔
انھوں نے کہا کہ ہم اپنی وزیراعلیٰ ممتا بنرجی کے نقش قدم پر چلتے ہوئے ترقیاتی منصوبوں کو عوام تک پہنچا رہے ہیں اور اس میں کامیاب بھی ہوئے ہیں۔
رکن اسمبلی امرالاسلام نے کہا کہ آنے والے دنوں میں مرشدآباد ضلع کے لیے مزید ترقیاتی منصوبوں کا اعلان کیا جائے گا۔ مغربی بنگال حکومت کا عوام کو ترقیاتی منصوبوں سے جوڑنا ہی اہم مقصد ہے۔
