جی آر پی کے ذرائع نے بتایا کہ 12301 کلکتہ راجدھانی ایکسپریس میں غازی آباد کے رہنے والی ایک خاتون اپنے شوہر کے ساتھ کوچ اے2 میں سفر کررہی تھی۔ خاتون کا الزام ہے کہ سفر کے دوران ایک بیڈرول اٹنڈنٹ نے اس کے ساتھ چھیڑ خانی اور بدسلوکی کی۔
انہوں نے بتایا کہ خاتون نے اس معاملے کی شکایت گیا جنکشن میں آر پی ایف سے کی تھی۔ آر پی ایف نے خاتون مسافر سے تحریری شکایت لے کر ٹرین کے مغل سرائے پہنچنے پر جی آر پی کے حوالے کیا۔
جی آر پی نے متاثرہ خاتون کی شکایت کی بنیاد پر معاملہ درج کرکے بیڈ رول اٹنڈنٹ پردیپ بیدناتھ کو گرفتارکرلیا۔
