ریاست کے مختلف اضلاع میں مرکزی حکومت کے ذریعہ پاس کیے گیے شہریت ترمیمی بل کے خلاف پرُتشدد مظاہرے اور احتجاج کاسلسلہ جاری ہے۔
مغربی بنگال کے مرشدآباد کے بیل ڈانگہ،بہرامپور،جنگی پور،ہگلی ضلع کے قاضی پاڑہ، رشٹرا ،شمالی 24 پرگنہ کے مختلف مقامات پر بد نماز جمعہ لوگوں نے شہریت ترمیمی بل کے خلاف سڑکوں پر اتر آ ئے۔
ہوڑہ ضلع کے الیبیڑیا تھانہ علاقے میں ہزاروں لوگ شہریت ترمیمی بل اور این آر سی کے خلاف سڑکوں پر اترئے ۔ مظاہرین احتجاج کرتے ہوئے وزیرداخلہ امت شاہ اور وزیراعظم نریندر مودی اور ریاستی بھارتیہ جنتاپارٹی کے صدر اور رکن پارلیمان دلیپ گھوش کے پتلے نذرآتش کیے
مظاہرے کے دوران لوگ مرکزی حکومت کے خلاف نعرہ بازی کی اور قریب ریلوے لائن سے گزرجانے والی کورومنڈل ایکسریش پر پتھراؤ کردیا۔ پتھرا ؤکے سبب موٹر مین کو معمولی چوٹ آ ئی ہے۔
ریلوے پولیس اور ریاستی پولیس نے جائے وقوع پرپہنچ کر حالات کو قابو میں کیا۔ اس معاملے میں کسی کی گرفتاری عمل میں نہیں آ ئی ہے۔
مظاہرین کاکہنا ہے کہ مرکزی حکومت کی غلط پالیسی کے سبب پورا ملک بٹوارے کی دہلیز پر پہنچ گیا ہے۔ اسے حالات میں کوئی بھی شخص خاموش نہیں رہ سکتا ہے۔
دوسری طرف ہگلی ضلع کے آرام باغ میں بھی شپرہت ترمیمی بل کے خلاف احتجاج کے دوران ٹرینوں پر پتھراؤ کرنے کی اطلاع موصول ہوئی ہے ۔ آرام باغ سے کسی کے زخمی ہونے کی اطلاع نہیں ہے۔
