مغربی بنگال کے داخلہ سکریٹری الاپن بندو پادھیائے نے ٹوئیٹ کرتے ہوئے کہا ہے کہ طلباء کو لانے کیلئے افسران گئے ہیں اور جمعہ کو یہ طلبا بنگال پہنچ جائیں گے۔اس کے بعد ہی آگے کی کاروائی ہوگی
مغربی بنگال کی وزیر اعلی ممتا بنرجی نے دودن قبل کہا تھا کہ کوٹہ میں پھنسے ہوئے طلبا کو لانے کا عمل شروع ہوچکا ہے اور انہیں ریاست میں لانے کا سفر جلد شروع ہوجائے گا۔
انہوں نے کہا تھا کہ میں ذاتی طور پر اس کی نگرانی کر رہی ہوں۔وزیرا علیٰ نے کہا کہ دوسری ریاستوں میں پھنسے لاکھوں بنگالی اپنے آپ کو بے یارو مدگار نہ سمجھیں۔ہماری حکومت کوٹہ اور دوسری ریاستوں میں پھنسے لوگو ں تک مدد پہنچانے کیلئے ہر ممکن کوشش کرے گی۔
