مغربی بنگال میں حکمراں جماعت ترنمول کانگریس کی سربراہ اور وزیراعلیٰ ممتابنرجی کی ہدایت پر شہریت ترمیمی ایکٹ کے خلاف احتجاج کا سلسلہ جاری ہے۔
وزیراعلیٰ ممتابنرجی کی ہدایت پر ریاست کے تمام 294 اسمبلی حلقوں میں بی جے پی کی قیادت والی مرکزی حکومت کی جانب سے منظورشدہ نئے شہریت ترمیمی ایکٹ کے خلاف احتجاجی ریلیوں کے انعقاد کاسلسلہ جاری ہے۔
ریاست کے بانکوڑہ اسمبلی سے ترنمول کانگریس کی رکن اسمبلی سمپا دواری کی قیادت میں شہریت ترمیمی ایکٹ کے خلاف احتجاجی ریلی نکالی گئی ۔ خواتین نے بڑھ چڑھ کر ریلی میں شامل ہوئیں۔
رکن اسمبلی نے کہاکہاکہ بی جے پی کی قیادت والی مرکزی حکومت نے شہریت ترمیمی ایکٹ کے نام پر لوگوں کوتقسیم کرنے کی جو پالیسی بنائی ہے اسے کسی بھی قیمت پر کامیاب ہونے نہیں دینا ہے۔
انہوں نے کہاکہ شہریت ترمیمی ایکٹ عام لوگوں کے خلاف ہے ۔ اس سے عام لوگوں کو بڑی دشواریوں کاسامنا کرنا پڑے گا۔ کئی کنبے تباہ وبرباد ہوجائیں گے۔
رکن اسمبلی نے کہاکہ میں شہریت ترمیمی ایکٹ ریلی میں خواتین کی اتنی بڑی تعداد کی موجودگی سے یہ ثابت ہوتا ہے کہ بنگال میں اس قانون کو نافذ کرنا مرکزی حکومت کے لیے چیلنج سے کم نہیں ہے۔
انہوں نے کہاکہ مغربی بنگال میں شہریت ترمیمی ایکٹ کے خلاف اس وقت تک احتجاج کاسلسلہ جاری رہے گا جب تک مرکزی حکومت اس قانون کو واپس نہ لے لے۔
:
