مغربی بنگال میں ایک بار پھر سیاسی پارٹیوں کے حامیوں کے درمیان جھڑپوں کا سلسلہ شروع ہو گیا ہے۔ باگنان تھانہ کے تحت کڑاگرام میں نامعلوم شرپسندوں کے حملے میں ترنمول کانگریس کا رہنما ہلاک ہوگیا۔
ریاست کے ہوڑہ ضلع کے باگنان تھانہ علاقے کے کڑیا گرام میں نامعلوم شرپسندوں نے ترنمول کانگریس کے سابق صدر گولی مار کر قتل کردیا۔ مقتول کی رہنما کی لاش سڑکوں کے کنارے پائی گئی۔
پولیس نے جائے وقوع پر پہنچ کر حالات کا جائزہ لیااور مقتول کی لاش کو پوسٹ مارٹم کے مورگ بھیج دیا ۔
پولیس کاکہنا ہے کہ مقتول کی شناخت اسدالرحمان کی شکل میں ہوئی ہے۔ وہ ترنمول کانگریس کے سابق علاقائی صدر تھے۔ قتل کی وجہ اب تک معلوم نہیں چل سکی ہے۔
پولیس نے مزید کہاکہ پورے معاملے کی تفتیش کی جارہی ہے ۔ ان کے گھروالوں سے پوچھ تاچھ کی جارہی ہے ۔ لیکن اب تک کسی کی گرفتاری عمل میں نہیں آ ئی ہے۔
ترنمول کانگریس کے سابق رہنما کے گھروالوں کاکہنا ہے کہ انہیں فون کرکے بلا یاگیا تھا۔وہ سائیکل لے کر نکلے تھے۔اس کے بعد ان کی کوئی اطلاع نہیں تھی۔
انہوں نے مزیدکہاکہ آج ان کی موت کی خبر ملی۔مقامی باشندوں نے اپنے ترنمول کانگریس کے رہنما کے قتل کے خلاف احتجاج کیا اور ناکہ بندی کردی۔
