مغربی بنگال کے اتربنگہ یونیورسٹی میں ترنمول کانگریس چھاتر پریشدا ور اکھل بھارتی ودیارتھی کے حامیوں کے درمیان جم کر جھڑپ ہوئی جس میں متعدد طلباء زخمی ہو گیے ۔
ترنمول کانگریس چھاتر پرشید کے حامی راجت سنگھا کا کہنا ہے کہ اکھل بھارتی ودیارتی پریشد کے حامی یونین روم میں داخل ہو کر وزیراعلیٰ ممتابنرجی سے متعلق نازیبا ہ تبصرے کیے ۔
انہوں نے کہاکہ جب ان کی مخالفت کی گئی تو انہوں نے وہاں موجود طلباء پر حملہ کردیا ۔ حملے میں آٹھ سے دس طلباء زخمی ہو گیے ہیں۔ زخمیوں کو شمالی بنگال مڈیکل کالج اینڈ ہسپتال میں داخل کرایا گیا ہے۔
راجت سنگھا نے مزیدکہاکہ اکھل بھارتی ودیارتی پریشد کے حامیوں کے خلاف شکایت درج کرائی گئی ہے۔امید ہے کہ پولیس ان کے خلاف سخت کارروائی کرے گی۔
اکھل بھارتی ودیارتی پریشد کے حامی اندرانیل داس کاکہنا ہے کہ ترنمول کانگریس کے حامیوں نے ہمارے حامیوں پر حملہ کیا۔ان کے حملے میں متعدد نوجوان زخمی ہو گیے ہیں۔
ترنمول کانگریس کے حامیوں نے مجھے جان سے مارنے کی دھمکی دی گئی ہے۔ تھانے میں شکایت درج کرائی گئی ہے لیکن مجھے نہیں لگتا ہے کہ ان کے خلاف کوئی کارروائی ہو سکتی ہے۔
دوسری طرف پولیس نے یونیورسٹی میں سکیورٹی انتظامات سخت کردیا ہے ۔ پولیس کاکہنا ہے کہ تفتیش جاری ہے۔ اب تک اس معاملے میں کسی کی گرفتاری عمل میں نہیں آ ئی ہے۔
