مغربی بنگال کے بشیر ہاٹ سے ترنمول کانگریس کی رکن پارلیمان نصرت جہاں نے کہاکہ ملک میں حالات کے مدنظر لوگوں کے ساتھ کھڑا ہونے کے علاوہ ان کی حوصلہ افزائی ضروری ہے۔
انہوں نے کہاکہ میں رکن پارلیمان کی حیثیت سے نہ صرف اپنے پارلیمانی حلقہ بلکہ دیگر علاقوں میں بھی کوروناوائرس سے نمٹنے کے لئے کوششیں کیں۔
نصرت جہاں کاکہنا ہے کہ بشیر ہاٹ پارلیمانی حلقے میں کل 11 آئیسولیشن سینٹر ہے۔ اس کے علاوہ متعددکورینٹائن سینٹر بھی بنائے گئے ہیں۔ موجودہ حالات کے مدنظر محکمہ صحت پر اضافی ذمہ داریاں ہیں
انہوں نے کہاکہ میں لوگوں سے گزارش کرتی ہوں کہ انہیں تھوڑا بھی احساس ہو کہ وہ بہتر محسوس نہیں کررہے ہیں تو وہ فوراً اپنی طبی جانچ کروائیں۔ دیر نہ کریں۔
رکن پارلیمان کاکہنا ہے کہ ممتا بنرجی کی قیادت والی ریاستی حکومت نے کورونا وائرس سے نمٹنے کی بھر پور کوشش کررہی ہے ۔اس کا نتیجہ بھی سامنے آنے لگا ہے۔
نصرت جہاں نے کہاکہ بنگال میں سب کچھ درست سمت میں گامزن ہے۔وزیراعلیٰ ممتابنرجی خود ہی سڑکوں پر اتر کر کوروناوائرس سے نمٹنے کے لئے ڈاکٹروں اور میڈیکل اسٹاف کی حوصلہ افزائی کررہی ہیں۔
انہوں نے کہاکہ ریاستی حکومت اچھا کام کر رہی ہے ۔کسی بھی معاملے کو بڑھا چڑھا کر پیش کرنے کی کوشش نہ کریں اس سے لوگوں میں دہشت کا ماحول پیدا ہورہا ہے۔
