مغربی بنگال کے مشرقی مدنی پور ضلع کے بھگوان پور تھانہ علاقے میں واقع چرچ میں گزشتہ روز توڑپھوڑ کرنے کے الزام میں پولیس نے تین افراد کو گرفتار کرلیا۔
پولیس کاکہنا ہے کہ گزشتہ شب چند نوجوانوں نے بھگوان پور میں واقع ایک چرچ میں داخل ہوکر توڑ پھوڑ کرنے کی تھی۔ اس کے علاوہ چرچ سر متصل پارک کو بھی نقصان پہنچایاتھا۔
چرچ کی جانب سے تھانے میں شکایت درج کرانے کے بعد تفتیش کا آغاز کیا گیا تھا۔
پولیس نے تفتیش کے دوران چرچ میں توڑ پھوڑ کرنے کے الزام میں تین افراد کو گرفتار کیاگیاہے۔ ان سے پوچھ تاچھ کی گئی ہے۔ اس معاملے میں مزید لوگوں کی گرفتاری عمل میں آ سکتی ہے۔
پولیس نے مزیدکہاکہ تفتیش جاری ہے۔ علاقے میں چھاپہ ماری مہم کی جاری ہے۔ لوگوں سے پوچھ تاچھ کی جارہی ہے۔
واضح رہے کہ مشرقی مدنی پور کے بھگوان پور میں واقع چرچ میں کرسمس کے دن چند لوگوں نے ہنگامہ برپاکرنے کی کوشش کی تھی۔
