مغربی بنگال بھارتیہ جنتاپارٹی کے نائب صدر چندرکمار بوس نے کہاکہ لوگوں کو ہر چیز میں سیاست کرنے سے گریز کرنا چاہئے ۔ترنمول کانگریس کی سربراہ ممتابنرجی پر بھی یہ بات لازمی ہے۔
انہوں نے کہاکہ وہ وزیر اعلیٰ ممتابنرجی کو سابق رکن پارلیمان اور اداکار تاپس پال کی موت پر سیاست نہ کرنے کا مشورہ دیتا ہوں ۔ اس سے ان کا سیاسی کیرئیر لمبا ہو سکتا ہے۔
ریاستی بھارتیہ جنتاپارٹی کے نائب صدر کا کہنا ہے کہ تاپس پال کی موت پر مجھے بھی بے حد افسوس ہے ۔میں صرف اتنا جانتا ہوں کہ وہ اس دنیا میں نہیں ہیں۔
بی جے پی کے رہنما کاکہنا ہے کہ ان کی موت کی وجہ کیا ہے اور اس وجہ سے ان کی موت ہوئی اس پر میں کچھ بھی نہیں کہہ سکتاہوں کیونکہ میں ڈاکٹر نہیں ہوں۔
انہوں نے کہاکہ ریاست کی وزیر اعلیٰ ممتابنرجی نے تاپس پال کی موت کی ذمہ دار بی جے پی اور مرکزی جانچ ایجنسیوں کو قرار دیا ہے ۔ ان کا یہ الزام بے بنیاد ہے۔
بی جے پی کے رہنما کہنا ہے کہ میں مانتا ہوں کہ تاپس پال ذہنی دباؤ میں مبتلا تھے وہ کسی بھی وجہ سے ہو سکتا ہے ۔ لیکن ترنمول کانگریس کی سربراہ ممتابنرجی نے راست بی جے پی اور مرکزی جانچ ایجنسیوں کو ان کی موت کی ذمہ دار قرار دیا ہے جو بالکل غلط ہے۔
واضح رہے کہ ترنمو ل کانگریس کے سابق رکن پارلیمان و مشہور ادا کار تاپس پال کا آج صبح دل کا دوڑہ پڑنے کی وجہ سے انتقال ہوگیاہے۔اس وقت ان کی عمر 61سال تھی۔پال کا ممبئی کے ایک پرائیوٹ اسپتال میں انتقال ہوا ہے۔
سال 2009اور 2014میں انہوں نے ترنمول کانگریس کی ٹکٹ پر کرشنا نگر لوک سبھا حلقے سے انتخاب میں کامیابی حاصل کی تھی۔
روز ویلی چٹ فنڈ بدعنوانی کیس میں ملوث ہونے کے الزام میں انہیں 2016میں گرفتار کیاگیا تھا۔13مہینے جیل میں رہنے کے بعدانہیں ضمانت مل گئی تھی۔
