مغربی بنگال بھارتیہ جنتاپارٹی کے صدر دلیپ گھوش نے کہاکہ بایاں محاذ دم توڑنے لگی ہے۔ ملک مخالف پالیسی پر عمل کرنے والی سیاسی جماعت کے لئے بھارت میں کوئی جگہ نہیں ہے۔
انہوں نے کہاکہ ریاست میں آج جو کچھ بھی ہورہا ہے اس کی ذمہ دار بایاں محاذ ہے۔ بایاں محاذ ملک کے حق میں کی جانے والی تمام پالیسیوں کے خلاف احتجاج کرتی ہے۔
بی جے پی کے رکن پارلیمان کاکہنا ہے کہ بایاں محاذ لوگوں کے دلوں سے اتر چکی ہے۔ مغربی بنگال کے کسی بھی اضلاع میں انتخابات کراگیا تو ان کی شکست یقینی ہے ۔
بایاں محاذ کے معروف رہنما محمد سلیم کی تنقید کرتے ہوئے کہاکہ ان کے پاس اب کچھ کرنے کے لئے بچا نہیں ہے۔ اس لئے وہ جادب پور یونیورسٹی، کلکتہ یونیورسٹی اور پرسیڈنسہ یونیورسٹی کے طلباء کو لے کرسڑکوں پر لے کر اترے ہیں۔
انہوں نے کہاکہ محمد سلیم کو یہ بات سمجھنے کی ضرورت ہے کہ بایاں محاذ دم توڑ چکی ہے۔ طلباء کے مستقبل برباد کرنے سےبہترہے کہ وہ گھر میں خاموشی سے بیٹھ جائیں کیونکہ آئندہ اسمبلی انتخابات میں بایاں محاذ کا اسکور صفر ہونے والا ہے۔
متنازعہ بیانات کے لئے مشہور بھارتیہ جنتاپارٹی کے رکن پارلیمان دلیپ گھوش نے کہاکہ دہلی تشدد کے خلاف کولکاتا میں احتجاج کرنے کی کیا ضرورت ہے۔ اس سے کولکاتا کے لوگوں کا کیا لینا دینا ہے۔
انہوں نے کہاکہ بایاں محاذ ،کانگریس اور ترنمول کانگریس خود ریاست میں ماحول بگاڑنے کا کام کررہیں ہیں اور بھارتیہ جنتاپارٹی پر الزام عائد کیا جا رہا ہے۔ یہ سب زیادہ دنوں تک چلنے والا نہیں ہے۔
بی جے پی کے رکن پارلیمان نے کہاکہ احتجاج ومظاہرہ وغیرہ اب زیادہ دنوں تک چلنے والا نہیں ہے کیوں کہ لوگ اس سے پریشان ہوچکے ہیں
